送別後,回到現實

              星期六晚,炒完散再去睇波,又攪到好晏先訓,到星期日(30號),訓到成點半至起身........

 

              洗頭沖涼後........成個醒晒,編定黎緊個禮拜o的柯打,call阿儀,佢話o係旺角等喎........

 

              換左黑衫黑褲,掛條頸巾,揹個袋,出門口.......(14:50)

 

              搭地鐵......出到去,見仲有時間,行左去黑布街間南豐茶餐廳食的o野先......食到一半,阿儀call,話齊人喎,我又拿拿聲埋尾兼埋單.........

 

              行過去兆萬,會合埋阿恆、細明、雋雋,仲有o個件野,搭車過紅磡,再行去--萬國,去見一個人........

 

             " 司徒,希望你安息,o係另一個世界快樂o的,晤好鑽牛角尖啦~ "

 

              五點半離開,我送埋阿雋過九香,跟住自己走去漢口道HMV......終於俾我搵到

 

             

 

              因為有.......

 

              

 

              裡面有........

          

                

                                   

 

                搭地鐵走人.......o係大窩口站落車,番熊貓!(19:45)

 

                做埋星期六剩落o既手尾(若果留番禮拜一,肯定趕死)......八點零,Claire找我,話星期三去小肥羊食飯,同阿珊w/老表慶祝生日咁話........

 

                到十點半,撇......行行下feel到肚餓(係喎,晚餐都未食),經過麥記買份開心樂園餐拎走,番屋企慢慢嘆,仲有呢隻,送o既!

 

     

            

廿五廿六

                又放自己兩日假,因為好想抖一抖............

 

　　　　25號,訓到下晝.....阿儀call,話出尖咀行下街影下相.......

 

　　　　由HMV......到新港中心......海港城........再過新世界中心.......

 

                夜晚,o係金馬倫道金星join阿傑,打左一陣機......之後兩條友一路行.............行到落旺角！去財記食埋燒夜,跟住番屋企.......寫blog,再睇電視睇到訓著為止.........

 

                26號,十點就起身勒(因為不斷提自己試下早起一日,變左冇乜點訓),落街買菠蘿飽做早餐,嘆下報紙咁.......

 

                食過午飯,跟住就執房(有好多垃雜野).......執執下拎部即影即有影相,攪到執晤晒,唯有下次再執.......

 

　　　　就係咁係屋企過埋呢一日,明天又要番工.....慘慘慘～ 

平安夜.單身夜(已加圖)

             12月24日,照常地忙碌......做到有少少火......

 

             中午,會計部攪party(每年都有),照例上11樓又食又抽獎咁.......繼staff party後又抽到冬菇一盒,唉......

             

 

             不停地加速......6點前終於完成手頭上的工作,閃!

 

             過銅鑼灣,街上好多人......到Parkline hotel開工(1930-2330)......

 

             上到經理房,Patrick煞有介事咁同我講:今晚早食,已經編晒位,要我做後欄(即係清垃圾,搬搬抬抬o個o的),仲要係28樓.......

 

              都打左咭換晒衫咯,就咁走人咩,梗係做啦...........流晒汗...........最後收12點,連倒數都冇得玩........

 

              放工,出埋糧(cash,成3舊水架),條街依然咁多人,不停聽見o的教友又叫又唱歌(仲派朱古力),佢地好興奮,我就冇乜feel.......

 

              四圍行下,由東角道開始.....世貿o個邊o岩o岩棒棒堂攪完倒數,仲係好多人聚集...... 原來駱克道有間義順......o係銅鑼灣廣場間機鋪喱左一陣,但係地牢收得晤好,又行番出黎......經波斯富街過去時代廣場,有位女子o係度拉二胡,感覺幾蒼涼;行去對面羅素街間24小時麥記借廁所,唔...呢間野o的design同座位都good喎......又走去UA睇睇,原來仲有兩點幾o既場次,but戲飛超貴($70).......

 

              等到阿傑來電,原本約好一齊燒夜,但佢仲未收得工......算了吧,番歸!

 

              搭地.....晤係,叫港鐵......閞始見到o的喪屍(即係玩到倦,坐係度o答晒頭),我就四圍望下有冇o的性感小背心+短裙+美少女..........

 

              番到荃灣,行左去惠康買嘉頓提子飽x道地柑桔檸檬作為燒夜............o係屋企一路食,又開電腦,o係msn同Kitty傾左一陣計...........然後一路睇電視,直至訓著~ ~ ~        

一個人

             工作,工作........不斷忙碌中.............

 

             很多時,回到家已是凌晨,甚至更夜(更早?),屋裡的人都已睡了,剩下來便是自己一個人的時間.........

 

             看影碟/電視節目,吃燒夜,閱報,上網,又充塞了不小時光..........

 

             是滿足?還是孤獨?

 

             有時候,望著天花,也會想想.......我究竟是甚麼?

 

             想到生活........想起舊事.........想想舊朋友.........不過,一多想,很快就會睡著了

 

             也許,做個好夢可以令人舒暢一點,雖然不是真實的...........

 

             也許,我需要真的休息一下............

 

             或許,我應該找個聆聽者,去聽聽我的內心..........

加班二三事

             撞鬼!已經連續OT左4晚,o的野都仲係清晤晒,MC呢個咁o既system,我覺得等於買十蚊十個橙,好似好抵,但的橙細隻又厚皮,搣完皮仲要乾爭爭冇水,好俾人搵笨o既感覺......

 

              今晚八點半收工,慢慢行下......到千色店,o係A1買番磅超軟方飽俾阿媽吃,有時七點幾就賣晒,今晚反而剩好多......跟住行上樓上Sport Corners,睇下曼聯的衫同褸,不過冇減價......再行過去荃豐,最底層賣老番台劇+日劇個檔,o的封面越黎越大陸,點叫人幫襯呀,再睇下隔離DVD錄影機,心郁郁,睇黎出bonus o個陣都走晤甩......

 

               經過地鐵站,九點三,入去Mrs Fields睇睇,嘩!巴士都未加,佢地的曲奇已經靜雞雞加一蚊($10),雖然九點半後買三送三o者,但以前俾三條仲有三蚊找,而家就......見今晚剩o既款又少,決定晤買......到南豐新之城,見到外圍o的雞蛋仔,好想買但晤知擺左幾耐冇買,入到裡面,經過山崎麵包,又想買十蚊8個o既朱古力旦糕仔,又忍住---我七點半至去麥記食左個開心樂園餐,飽o既感覺都未過,點可以又買野食???拿拿聲轉身走番屋企.....................

恭喜!鹿島鹿角

             禮拜六(1號),公司轉新system,第一日正式使用已經發現了晤少問題,好在仲可以改......

 

              食晏時間,阿Ken晤得閒,得我一個出去......1時30分,重要戰役開始......

 

              J League最後一輪 : 浦和紅鑽 鹿島鹿角 爭奪聯賽冠軍!!

 

             賽前紅鑽領先鹿角一分,只要呢場作客FC橫濱贏波,就算鹿角主場贏清水心跳10比0都冇用......

 

             之但係,波係圓o既,大部分球迷都估晤到,聯賽包尾o既FC橫濱,竟然o係上半場領先紅鑽一比零!同時,鹿角憑小笠原滿男o既入球,以同樣比數領先......

 

             下半場,紅鑽仍然未能追和之際,鹿角再由本山雅志同馬昆奴斯各入一球,3比0,鎖定贏波戰果.....

             

              最終,鹿島鹿角重奪聯賽冠軍!我同成班球員一樣咁興奮......

             

 

              因為,早在七月,當鹿角落後紅鑽十幾分o個陣,我買左廿蚊鹿島鹿角贏聯賽冠軍,成25倍架,仲諗住冇乜chance,當六合彩賭啦......

 

              咁都可以執番五舊水番黎,多謝晒,根占真伍(橫濱入波o個位球員)!

 

             

 (如果我o係球場裡面,一定嗌到顛!)

真的想飛你

　　　　　

　　　　　前晚(26號)得閒,見仲有張買一送一卷未用,走去港威睇左呢套戲.......

 

                Ben Stiller不嬲都係睇喜劇信心o既保證,呢套都晤例外,佢做小男人角色零舍o岩feel.......雖然故仔都係一般大路o個隻,但阿Ben依然保持水準,仲可以話揮洒自如,而做佢老豆既老豆(因為真係佢老豆)亦好攪野......(戲裡面有少少三級鏡頭,不過都係列IIB,可能係喜劇o既關係）

　　　　　　　　

　　　　不過,想結婚o既人,睇完都會有小小驚......

 

                到左片尾出credits,原來導演係費拿利兄弟[@情迷索瑪莉/豬兜有情人],晤怪之古怪得黎又咁好笑喇......正！

 

                散場後,食o的野逛下街,行行下經過海運大廈,見到今年聖誕燈飾＋佈置,都算晤錯,而且仲有好多人o係度影相,o個時已經係差晤多午夜十二點......

 

                都話香港夜鬼多～                 

 

                番到屋企,上番去套戲既offical website睇trailer......咦?好似有的片cut左.....

 

                 http://www.heartbreakkidmovie.com/?deeplink=video&vid=trailer1

小小分類廣告

             今日(22號)打左流感針,痛~

 

             夜晚番九香,有個大佬擺壽宴,成班差佬踩場,驚~

 

             收工,倦~  

 

             明天仍要繼續............       

又忙．又病

病左差晤多兩個禮拜，仲未好得晒．．．．．

 

好忙，日夜忙，攪到冇時間寫blog，就黎變回憶錄．．．．

病住去打羽毛球

    星期六,知道自己領左野--傷風,睇左醫生拎左藥,辛苦......(散都冇炒)

 

    到星期日(4號),朝早至訓,到一點鬆o的起身,換過衫就出門口,因為要搭長途車......

 

    搭地鐵由荃灣去到寶琳(仲要先去英皇娛樂廣場o都百達通),車程要成個鐘......

 

    到新都城二期既私人樓入面Club House o既羽毛球場,見到阿儀,Irene,達銘,I I 同佢個fd Henry,佢地已經開緊波,因為我遲到......

 

    晤係呢個咁有益既運動,我都未必會走到咁遠......(依然疲倦,照打!)

 

    打到5點,佢地走晒,剩番我同阿儀係商場間日本野食下午茶.......

 

    之後搭車番荃灣,四圍行下,再去麥記坐低,出order......

 

    行番屋企前,經過荃錦商場Blue Star,搬遷大減價,鬼咁多人圍住......

    

.

 

    我又抵晤住頸,衝入去買左兩件衫,真係"賤物鬥窮人"................

星期五的生日派對

　　 10月26日,晴

 

        日間很忙,要OT......

 

        做到7點半,要走勒,約左8點係旺角創興樓下等......

 

        再加上拎埋兩個2磅旦糕去,有點吃力......(少運動之故)

 

        去到,咦?得小貓三四隻o既?都晤理咯,上左去Green Box先(晤知點解o的人咁鍾意係K房攪生日)......

 

        係reception,見到個女仔咁面善既.....係以前o係荃灣銀龍做o既阿欣!

 

        原來佢轉左加洲紅,咁o岩又調左黎呢間鋪,我當然要搵下佢so (Jetso).....

 

        跟住,開始有人到,有o的黎左一陣又走,之後又黎多幾個......最後留低都有十幾人

 

        今晚o既重點 :  慶祝小翠+阿Bob+Claire生日

 

        Claire更加係到午夜十二點正日生日潻......

 

        我反而冇乜唱歌,幫人影下相,點下歌,派下旦糕咁......(咁似炒散?)

 

        玩下玩到4點,要走先......

 

        因為禮拜六日接夜都要番工......very眼訓!

 

　　

終於等到公司有旅行......

   

 

    今年,乜咁遲至話俾人知?

 

    分六日,但只得一個目的地--南丫島......(往年都有兩處地方揀)

 

    星期一至出memo,30號就去第一團......

 

    其中兩日係月頭月尾,有一日係一定忙o既日子,仲有一日要上新system的 training, 即係變相得兩日揀......

 

    睇睇行程,都係一般o既參觀,行行企企同埋食海鮮......

 

    仲有遊戲玩?? (搵阿水同你集體遊戲咩)

 

    查實冇乜興趣去(有o的朋友既公司去威尼斯人架,我都晤貪心,可以去海洋公園都好好),但我伙記話齋: 起碼晤駛番工先......

 

     報左名先(原來每個部門都有指定Quota,所以仲要re-confirm)......

假期.麻雀.開工.燒夜

星期六(20號),編左自己放假,諗住抖一抖.......

 

點知,三四家姐番黎,坐低冇耐就嗌開檯,仲要搵我"鄧"腳......

 

我都話晤打格(知自己呢排黑黑地)......最後打左4圈,又輸過百......(仲要老豆電住先,因為冇襟機)

 

冇mood地洗過頭,換過衫,出九香開工,今晚係very easy job !

 

準時收工,同阿傑落旺角......原來阿儀約左Claire,超人,Kitty,Connie同達銘落大角咀間良記豬骨煲打邊爐,我地又跟住行過去......

         

到入左鋪,行行下行左去後巷,先至見到佢地,好彩而家涼涼地.......

 

坐左一陣,阿傑就走番出旺角睇波,一早叫左佢咪黎......

 

雖然地方麻麻,不過o的野食OK,價錢又經濟,我地一路食,一路柯打,一路影相(影相已經成為香港人生活o既一部份,乜都可以影一餐)

 

笑話一則: 食客A想柯打烏冬,但伙計話賣晒,食客A就話"我晤要了"........... 

 

到兩點幾埋單,仲要o係門口影合照!!

          

 

 

  眼訓了...........

簡單才是好 ?

             Yahoo Blog 改版,更新了......

 

             改變其實是件好事,因這世界每天都在變,但.......

 

             我喜愛yahoo blog,相對於xanga,facebook等,是因而它簡單、易用,如今卻變得很複雜似的......

 

              對於我這種大忙人(自認),簡單的設定能好好利用時間寫blog,或看其他朋友的回應等等.......可能還未習慣吧......

 

              希望各blog友給小小時間去支持,令這地域變得更好 !

星期日.吃吧

                 上一編"色.戒",竟然有朋友以為我o係第度抄落黎,有點失望........ (絕對原創!)              

 

                 曼聯終於大炒四零,晤食魚生粥了, YEAH !

                    (兩大坐館都有波入)

 

                  所以好好訓.....到星期日,成兩點至起身!

 

                  迷下迷下,望住個電視食煉奶方飽(我的午餐)......

 

                  睇下跑馬,又被"騙"百幾蚊.........

 

                  到五點零鐘,出門口,先去英皇娛樂廣場"嘟"張百達通(有-$2優惠站),再過去沙咀道投注站,諗住入幾百買下波啦......見到阿榮,傾左兩句就閃了.

 

                  行到地鐵站,一時忍晤住,o係Pie & Tart買左件鮮奶撻吃,好味!

 

                  搭地鐵到尖沙咀,先交張cheque俾阿恆(佢個fd o的糧),見時間尚早,過一過漢口道Jockey Club買幾場波......硬係好憎o的契弟(好難叫佢地做靚仔),企o係部投注機前面度波,仲要一路諗一路篤(諗好至行埋去買晤得咩)

 

                  跟住過HMV逛逛,見播緊Transformer,雖然係美版配英文字幕,但有Plasma加大喇叭,又睇左一陣......阿儀終於蒲頭,佢剛剛去完大澳影相,猛嗌肚餓,又話要去間新場食壽司.......

 

                  間鋪o係金馬倫道,叫SAKAE SUSHI,坐低冇耐,個妹妹就介紹我地食buffet......

 

                  即係的15蚊或樓下o既壽司/手卷/小食任食,盛惠九十八元(仲要加一)

 

                  橫掂有的餓,又試試啦......不停食當中,發覺兩樣野:

                  (一)食物質素一般 (二)計一計,兩個人加埋食到o既,都係賺多原價幾十蚊,冇乜Jack So

 

                  最重要的,係食飽飽出黎,要行下街消化番o的卡路里!     

                                                              

色.戒

         

         也該到我了......

         由奪得金獅獎開始,不斷有人對這部電影報導和評論,說成是個品牌一樣,鬧得熱烘烘的......

 

         感到厭了沒?

 

         時間是十月二日晚上十一時四十分,因為之前的場次已沒有甚麼好位置,很少在這麼晚去看戲(別忘記,這電影片長145分鐘),為的,是李安與湯唯,他倆是整部戲的靈魂!

 

          李安導演將故事、場景、對手、對白編好,讓湯唯盡力去做、去演一個可歌可泣的角色......

 

          她,是唯一的主角!

 

          湯唯的表現非常好,一哭一笑剎是吸引,上海話蠻啷啷上口; 反而朝偉o麻......還是看重慶森林或花樣年華好了,始終看不慣他由頭至尾都用同一個表情去演......

 

          至於那幾幕床戲,是令全場觀眾最靜的時間,因為實在太真實,感覺好像過了點火......但再想到這事在現今社會,已經很公開、很自然,也變得不值一提了.........

保姆日記

                        

                         今日,去左海運睇呢套戲......

 

                         因為有張買一送一coupon未用(月底到期),阿Scarlett Johansson又幾吸引(樣靚身材正),又有阿火仔Chris Evans,應該都OK掛.......

                          但......令人失望,成套戲平平淡淡,冇高潮位(又晤可以話悶,我諗原著會好睇o的);演員自己做自己野,毫無火花;古仔雖然熟口熟面,但似係導演功力未能好好駕馭,或加添新意;甚至連音效都係平平(剩係播George Michael隻Freedom先出到o的surround),o徒晒o的料!!

 

                          下一套要去睇"色.戒",刺激番o的神經~~~

中秋.逛街

　　　　係咪要行下街先至似過中秋？

　　　　25號，照常六點放工(因為收四點半係寫字樓既專利)，但做做下又遲晒(因為聽日放假，晤想責咁多野)，要趕番屋企做節......

 

                食過飯沖埋涼，阿儀call，話約左Connie，問我出晤出黎......Connie番左香港成個月都未見過面，之前仲應承(話)請佢食飯......咁就出啦！

 

　　　　十點四到旺角嘉樂商場門口，我已經遲左，點之Connie仲遲，原因係--佢已經變左......所以行得慢......

 

               佢地想搵個地方坐下，傾下既......諗諗，飯就食左，不如食下甜品......食雪糕？......

                Haagen-Dazs !!

                我叫左個店舖推介(Melon Sundae Fiesta)，都係名牌有水準，好味道！！

                

　　　　食完，係條街行......但得人多，又無乜野做，轉身又落左麥記，坐多陣，傾多陣......

 

　　　　我又食左杯朱古力新地......               

 

                 then，歸家去　～～

星期天@Mega Box

                  好多日晤得閒寫blog,攪到好似寫回憶錄....... 

                  星期日(16號),超早起床!

                   其實都係訓左兩個鐘左右(睇睇下薩拉戈薩個場直播就訓著左)......六點鐘仲識得醒,眼矇矇地刷牙洗面換衫,出門口.......番到公司已經係集合時間--06:30

                   o的同事到晒咁滯......即刻上公司車,直去九龍灣Mega Box !

                   事緣合和胡公子有份攪o既業餘冰上曲棍球賽(星期六+日),叫到公司同事幫手,邊有得託手肘,我被編今日去.......做o的乜?係做食蕉,仲要連皮(解釋: Security)

                   即是控制下秩序,留意下閒雜人等,加埋拎住個Walkie做下聯絡咁......

                   上年已經做過(o係西九龍中心),今年比較好做(新場加上設備好)......

                   有o的晤方便係,食野一定要o係商場入面(方圓幾里都冇食店),兼冇大家樂/大快活/美心/麥記,要使多錢食(公司有三文治供應,但.......)

                   到中午,得閒o的,可以有時間行下(因為我未黎過),到左間電器鋪,擺左個Gundam係門口......    

                  

                   睇清楚o的,係賣架,價錢係..........$35999 (見右手邊)

                   搵阿水買咩??

 

                   xxxxxxxxxx

                   終於,六點走人(個比賽係未完的),因為要趕番九香開工呢~~~

約戰--WCCF

                 今日(13號)有o的得閒,心血來潮,call小聰約搵日一齊去打WCCF,點之......佢話不如今晚喎.........

                 但又冇咁早,收工後我先去食o的野,跟住行左去荃灣新之城--金星遊戲機中心......

                 打住機等......又睇下人打Drumania,嘩!下下三百幾四百combo,犀利!

                 到十點零鐘,小聰call我,約左十一點三大河道卓悅門口等.......

                 早到左,係佳記整串魚旦,再加杯西瓜汁,又四圍望下......條街真係熱鬧!!

                 兩條友走去沙咀道天天......開波o剌......打下friendly march,用我隊車仔對佢隊雜牌軍......打打下,條友仔叫我輸一場俾佢,來換取黃金連攜一條(恩沙基x卡卡),我諗住一場半場o者,就應承左......

                 點之,隊波好似撞邪咁,再打friendly全部輸晒,跟住打regular leauge仲輸埋俾曼聯......

                 再加上,中左張閃咭[WDF--艾殊利高爾],但呢張係我剛剛o係YAHOO bit左.........(好灰~)

                    

                 通常晤開心都要食野發洩下,兩丁友去麥記食個餐,先叫做順番o的........(已經係凌晨一點半)

 

終於.......輪到傷風

               晤知點解,係咁打乞痴......

               知道自己領左野,星期六(8號)朝已經去左睇醫生......都晤敢食晒全部藥,怕藥力發作做晤到野,最終......到下晝都吽左,因為的藥真係幾勁......

                到收工,以為好番o的,走左去打機(WCCF)......之後,又一輪歐洲國家盃o既直播賽事,當然又係頂住眼訓睇埋啦......

 

                到星期日,中午起身後情況持續不穩,包括: 未能保持清醒,仍有咳嗽加上頭痛......晤敢四圍去,留係屋企休息吧!(仲係未出下星期散工o的order)

               一定要運動.....聽日做做緩步跑,因為我放假!

後遺症?

               自從上個禮拜胃痛左幾日之後..........

               呢個星期,無論係訓左3粒鐘或者7粒鐘,都係晤夠精神........

               就算收工晤去街,番到屋企,好早就想訓......甚至,睇睇下電視訓著左.......

               攪到好多野(執房/熨衫/bit貨/寫blog等)都晤夠時間做......

               希望係過渡時期,要快快回復健康......

               要做多點運動了..........

 

 

 

               今晚(5號)收工,行左去商場內U-Right,探o下Jenny,聽佢發下嘮騷之餘(真係sales晤易做),順便幫襯買左三件特價T-shirt,加埋都係57蚊咋,抵!

香港電腦通訊節@2007

                星期日(26號),病左成日,胃痛頭又痛.........

                到今朝訓醒,好左o的,起碼晤會變病假.........

                出去機鋪蒲一蒲......到晏晝,meet小聰,o係路德圍食小小野先..........

                忽然落大雨......又忽然出猛太陽.......

                一齊出會展,睇香港電腦通訊節2007,佢話有野買喎......到最後,咪又係買左兩張記憶咭,一個無線mouse咁大把......

 

                (原來阿星都有份去,仲o係入面撞見,但係太多人,所以冇一齊行)

              

                我冇乜需要買,所以做左第樣o野----影相!

               

              

               

              

               

             

放假.食飯.慶祝

             8月15日,放假.

             諗住抖抖,又睇下今日生日o既阿儀有乜節目?........

             佢話夜晚去打邊爐,仲係去大角咀角祥街力奇火鍋,我晤多熟路喎.......

             七點零鐘,係旺角地鐵站等埋阿儀,加埋阿群,三個人去搵位先.......

             行左出街,咦?落緊雨,諗諗好晤好打的......又行左一段路,都係晤搭車了........

             終於見到間鋪,細細間又幾多人幫襯(最pro係閉路電視,好酒店style,一個mon睇十幾格),有人話訂左位,但都要等等......

             一等差晤多成粒鐘......有位,坐低睇下menu,o的野都晤平,都係叫下肥牛/山根/桂花蚌等,再加埋原隻鮑魚!係拳頭咁大o既原隻鮑魚!

             

              食呀食......十點後其他guest陸續出現,有vivian,阿群的bf(好似叫阿鐵),壓軸既---係阿智!

              到佢地幾個食呀食......我地吹水同影相.........

        (三朵小花--儀,Vi,群)         

              12點左右散band,我同vivian番荃灣,本來想去搭地鐵,行行下見到有33A,即刻上巴士.....

               呢一程時間好舒服,因為主要係聽vivian講佢自己o既o野,我只係做個聆聽者......

               發覺佢已經變得成熟而又有計劃,心裡替佢高興.......

               番到屋企,問題來了....................又

肚餓!!

變型金剛

         

          想睇好耐......好多fd已經講左......撞o岩今晚又得閒......阿儀又打黎依依哦哦,問我有冇野做......

          check到嘉禾青衣有場7:20pm,收工後入青衣城......

          到左戲院......條龍咁長o既?原來得兩個o靚仔賣飛,仲係好慢......

          望下部Mon,剩番頭四行(成間戲院都係得十二行位),同埋最尾兩行(每行一個單丁位)......

          決定......買尾位(阿儀話),有postcard送喎......買完飛冇耐佢就到(7:05pm)......時間緊迫,用埋張coupon買二人餐(兩杯汽水+大爆谷+熱狗,盛惠$40),隨即入場......

          套戲成一百四十四分鐘,不過冇乜悶場......其實係冇乜故仔,用場面去令節奏加快,特別係變型金剛對打o個幾場,快到你睇晤清邊個打邊個......音效good架......

           最精彩,莫過於主角個阿媽話佢老公: You're so cheap

           一套大制作竟然出現呢句咁港式o既英語,令到全場勁笑......

           仲有一個賣點...... Megan Fox

          

           係好索......但我嫌佢晤夠博,只有少許性感......

           如果晤加價我覺得抵睇o的!

手信

             8月8日,夜,仍在OT........

             六點半,閃,約左阿祺食飯,o係沙爹王(荃灣)........

             經過隔離間藤一番,嘩!人影都冇隻,都o岩o既,間野係晤掂..........

             原來係咁咦食碗檬+粉卷+軟殼蟹都好飽..........

             之後,上三棟屋--阿祺屋企......睇下佢去旅行o的相呀(美國x日本)......又睇下佢o的戰利品呀......聽下歌(安室)又睇下碟(相聚一刻真人版,伊東美咲主演).........

              臨走前,梗係要拎本"正o野漫畫",點都叫做手信麻,呵呵........

令人興奮的Staff Party (已加圖)

                今天(26號),超忙.........

　　　　都已經有晤少野要做........到五點,上5樓ballroom,預備Staff Party o既頭圍的games

　　　　好在之前問Amy(佢係committe之一)拎張簡介,都知道點玩.......

                完成後,又一支箭衝番落寫字樓......抬面野未埋尾架,繼續做.......

                到七點,工作完成,跟住要換衫o勒(為左配合亞洲風味主題,所以老細特登買左套拜年衫俾全部門著,係黑色的).......

                估晤到咁有難度,攪扣鈕同埋搵褲頭條繩,整左成廿分鐘........

　　　　

 (完成圖)

  　　

                (靚女, SALES o既同事)

                又上番ballrom,差不多開Show......

                一路冇乜停頓位,食左少少野,又要去準備自己部門o既performence.........　

                好在晤駛扮waiter,剩係做旁白同埋扮劉華......

                要講"今時今日咁既服務態度係晤得架.....",所以刻意晤gel頭(跟番個廣告),攪到好薯仔.....

               

                又係老毛病,台下背到熟,一上台又甩左的對白......

                好彩唱番兩句歌,擦下鞋,搶番o的分......

                之後,食左小小野(反正的菜都麻麻地,冇損失),又出去玩第二輪games......

               XXXXXXXXXXXXX

                最尾,抽大獎,由十幾抽到第一獎,都冇我份......諗住中左份抬獎(花菇一盒)就算.....

                忽然,MC屈總經理加碼......又原來大老闆胡公子留低二千蚊cash(三份)出黎抽........

　　　　 第一個,冇...........咦？聽到有人叫我個部門.........仲要叫我個名?

               

中!即時水東樓上身,揮住手上台,加上的同事拍晒手,興奮程度加倍!!(明天下午茶少不了)

                好野晤好俾佢停,跟住頒game同performence,前者得第二,後者得第三......

                我瓣瓣都有份,當然係咁上台啦～～

　　　     XXXXXXXXXXXXX

               散左場,keep住興奮心情,快步行番屋企.......(差晤多十二點)

               行到荃灣街市,有對男女擦身而過,個女仔.....我是認識的.......

               雖然好耐冇見,仲o係一兩秒間,但應該晤會錯,係我初戀o既女朋友.......

               good luck to us

心頭好

              24號晏晝，約左Samuel食lunch......

　　　　去左味千,午市又晤係咁旺喎......

　　　　食完野,見仲有時間,過千色店入面間Sport Corner睇下波衫......

             見到曼聯有新波衫,但......係練習版(training),落場版仲未出......

　　　　咁呀~~睇下其他款......終於決定買呢件先.......

　　　　Polo shirt,番工都得麻！

　　　　

書展＠２００７

　　　　昨晚好好訓.........

　　　　晏晝成一點至起身,諗下有乜野做......

　　　　想去行下書展,問阿儀,佢話晤去......

　　　　唯有自己一個去......行到荃灣地鐵站,收到call......

　　　　係Samuel!原來佢都想去,咁就一齊咯......

　　　　去到會展,見佢轉左分流,以為有進步啦,點之......

　　　　行左個大圈落番地下,搵笨!!

　　　　主要o係２號館行(與Samuel兵分兩路),見到原子鏸/粱家傑/梁奕倫/陶傑/司徒華......

　　　　行左兩個幾鐘,都夠皮,買左幾本書,但已經用幾舊水......

　　　　有小小赤,不過呢幾本書自己一早plan定會買(除了Mobile Magazine),當賺左個折頭啦

　　　　

                

(一，二，三，四，五)

            

               

(有幾厚？)

            

               

(係兩寸半！)

出海@721

                 又一次証實,放假辛苦過番工......

                 起身時間同番工差不多......都係朝公司進發(因為要扲番的煙三文魚+cake)......o係公司員工入口對面間茶餐廳食過早餐,到o係公司出番黎,已經係十點......

                 急步往地鐵站,上車前仲要轉帳o的錢俾阿培先(驚佢地晤夠錢買野),扲住成七磅東西(兩pack三文魚+兩個一磅餅)行黎行去,都晤容易.......

                 去到彩紅站轉乘專線小巴,入到去西貢已經係11點(原定集合時間係10:15)!見到大部份朋友,加埋朋友o既朋友都到左(即係仲有小部份朋友未到),趁呢個時間我就叫購物組去補補飛,買多小小野飲......等等下,大約11點40分,上船!!

                  團友加加埋埋原來都接近三十人(因為一上船就影合照,我都有份渣機),首先去第一個目的地--大蛇灣(其實我都晤知係邊個方位,純粹八卦),到附近沙灘遊下水,玩下沙灘排球咁......

           

                (上圖並無本人在內,請不用尋找)

 

                之後,第二站係盬田仔(依然係晤知o係邊,八卦o者),o係呢邊有人玩wakeboard,我就走去坐香蕉船(即係一部快艇拉住一隻黃色吹氣橡皮艇),好玩!!(尢其一齊撻落水o個陣).......

                玩到夜晚七點落船,有成十五六人一齊留o係西貢食海鮮,正正正.......                

                總括黎講,好開心好好玩,其實剩係望住個海都令我感到輕鬆,再加埋海風吹來,舒服到不得了~~

            

               (( P.S. o的海水好咸 ))

買東西

                 7月20日,好忙……..

                 下晝五點,上老闆房,為下個禮拜員工晚會個劇做第一次綵排,老細真係晤話得(佢編劇)我負責旁白﹑侍應﹑同埋扮劉華,好在對白晤多,應該晤會太辛苦(係要換衫o者)…….

                  綵排完番寫字樓,仲有成堆野做,非要OT不可了……

                  八點鬆人,去食野.......跟住交電話費.......再過Sport Centre買條短褲,明天著去船河.......見仲有時間,過番Smartone睇電話.........

                  自己部舊電話開始watt watt地(用左兩年幾),見到有０機價,有3G乜都齊,預繳＄1280就出得機,諗左十秒.........扑搥!!

         

                   (就係佢，vodafone 710)

                最頭痕就係要將舊機的料過晒落新機.............

銅鑼灣,一餐飯

           7月10日,原本冇諗住出黎......

           呢幾日都有的疲倦,放工都想番屋企訓o個種,但俾某人老點,又話好多人去又話請我食飯呀.....卒之,又出去..........

           六點零鐘,同阿儀搭地鐵,出到銅鑼灣,meet阿表哥同朱炳(Claire的fd)......

           仲有兩件未到,晤理佢,過左去食街先(天氣熱噢)......

           之前,陪阿儀去日本城,買電芯俾部DC用....... o下?用電芯,仲要買平貨??

           到左BORDEAUX坐低,阿Paul做緊野,問佢整杯啤酒飲下............

           冇耐,Claire &阿星到,柯打野食啦喂(交俾兩個女仔諗),兼試下阿儀自來o既紅白酒........

           坐左o係Claire隔離,同佢傾計最多,知佢見左份新工,幾近成功,都希望佢掂啦..........

          

  (咸濕佬手多多?)

           But,佢既感情生活似乎較為反覆(又可能飲左酒),為左一點事晤開心(w/bf).........

           好彩,未致失控(特別鳴謝朱炳幫手)...........

          食食下,過bar抬想同阿Paul吹吹水,但佢又好鬼忙....咦?遠抬個位兄弟咁熟口面?

          係

柏寧!旁邊有位靚女......係佢女友Jasmine(今日好似係佢地晤知乜紀念日,所以晤開工)

          見兩個sweet sweet,傾左兩句就番埋位,費時做電燈膽,誰料到.........

          過左一陣,佢地反而走番過黎,一齊傾計影下相,人多高興o的~~

         

           (有個人影幾張相要換電,影多幾張相又換電......好鬼作狀o個位)

          

            埋單成千二(阿Paul已經cut左的酒水數),不過,

駛得開心又如何?

雀友的聚會

            2007年7月7日.........係好記o的定老黎o的?

           又係好趕咁做野,準時收工,打左咭,跑番上三樓.......

           坐公司既shuttle bus,出旺角(慳o的又方便).........

           出到去,都未夠六點半,行下朗豪坊先..........

           上左CD Warehouse, 見門口部電視播緊mv,睇睇......係安室!!!

           原來佢隻新專輯係CD+DVD,內附幾隻hit single既mv !!!

                       

            拍得好正(歌又正),越睇越正...........本月必買item之一!

            7:00pm,接到來電,阿榮同阿隆收得工,一齊會合,去金滔會........

            等埋遲左小小黎o既曾超人,正式開波~~打麻雀!

            打一陣,又食下飯,又再打........(o的小菜都OK既)

            夜o的,超人女友Kitty黎左;夜o的o的,阿儀+薯傑+俊俊又黎......(又黎又走咁)

            又再夜o的o的,連阿隆女友阿Chris都到,真係好鬼熱鬧.......

           

 [戰果速遞] : 阿隆一家輸三家,除波鐘我仲有百幾執......

           佢地番屋企,我繼續......去新君豪睇波......       

Die Hard 4.0

                          

                       原本約阿宏出旺角,諗住行下街兼俾張WCCF咭佢幫我bit...........

                       點之,傾傾下走去新世紀廣場,過去嘉禾旺角買埋飛,仲係我請.........

                       當然屈番佢請食飯,上左去百人一朱,嘩!都幾貴喎o的野.........

                       試下啦咁,叫左個二人餐(燒angus牛肉個隻),ok o既...........

                       Service一般,係得一個肥妹幾醒目(通常樣冇咁得,做野多數得)...........

                       飯後食支煙,跟住就入場,時間係[9:55pm]

                       絕對冇令我失望,依然有水準,依然Die Hard!

                      話晒到左第四集,內容同橋段已經無乜好變,都係咁上下.........

                         我就著眼o係動作+場面,有爆炸有飛車有塌橋有交打...........

                         Meggie Q o係前段件性感外衣,比後來換左套FBI制服醒神好多.........

                          不過歹角係冇好收場的!!

                          掂!掂!掂!正過神奇四俠呀喂~~~~~~~                      

七月一 晤訓得

          七月一日,回歸十年.........

           朝早通完頂睇波,番到屋企訓一陣............

           下晝起身睇左陣回歸盃,拜仁對聖保羅,二比一.........

           換件衫,番九香開工,因為晤夠人.........

           攪到連我都要做抬...........十一點半,收工,彭彭聲閃...........

           同阿培搭的士,落旺角創興渣兜紅綠盒,唱K...........

           房裡有阿儀,Claire,達銘,家強,阿星同佢個fd--嘉嘉........(Irene竟然未等我到就走左,嗚~~)

          

           好似晤多夠啤酒飲播,即刻同阿培阿星落樓下七仔買.........

           Claire一點半就走了(with達銘),我有一點失落感...........

           阿儀未夠三點,又走埋!剩下四仔一女,要班馬............

           no girl,只有尖頭同佢個fd(都o係九香炒散o既,黎左一陣又走左)............

           繼續玩啦,猜呀飲呀叫呀拍手呀,終於........有人頂晤住?!

           就係爛口妹嘉嘉,

又暈又嘔泡..........

           見佢好辛苦,但隔離阿星都晤好得幾多,一路唱仲要ｔａｋｅ　ｃａｒｅ嘉嘉.........

           後來嘉嘉又亂講野,又大叫,仲除阿星條.............鞋帶,

           成個過程歷時兩個鐘,起碼!

           最後,到收鋪要離場o勒,剩低我+阿培+阿星同嘉嘉(當然佢已經回復正常)........

           ４條友仔過左新君豪,佢地食早餐;我就食早餐......兼睇波(阿傑已經係度)

           睇完波做乜？搭地鐵番熊貓開工咯!倦～～～～～～          

          

我的生命

撼 燈 柱 　 車 腰 斬 　 人 爆 頭
疑 非 法 賽 車 　 甩 尾 入 彎 　 新 牌 仔 亡

【 本 報 訊 】 非 法 賽 車 熱 門 地 點 大 埔 新 娘 潭 路 昨 凌 晨 發 生 駭 人 奪 命 車 禍 。 一 名 考 獲 車 牌 僅 半 年 的 19 歲 「 新 牌 仔 」 ， 駕 駛 一 部 本 田 思 域 私 家 車 在 涌 尾 一 處 「 S 彎 」 ， 疑 高 速 掟 彎 失 控 越 線 鏟 上 行 人 路 狂 撼 燈 柱 ， 車 頭 與 車 廂 斷 為 兩 截 ， 事 主 頭 撼 燈 柱 爆 裂 當 場 倒 斃 殘 骸 中 。 有 目 擊 者 指 事 發 前 有 兩 私 家 車 疑 在 鬥 車 ， 警 方 疑 意 外 涉 及 非 法 賽 車 。 由 於 該 車 撞 燈 柱 後 即 時 「 分 屍 」 斷 開 ， 警 方 不 排 除 為 經 改 裝 「 積 木 車 」 。 　 記 者 ： 杜 建 彬 、 伍 浦 鋒 、 張 培 生

車 禍 中 頭 爆 慘 死 新 牌 仔 吳 國 耀 ， 與 任 酒 樓 工 人 父 親 、 因 長 期 病 患 腹 脹 母 親 、 一 兄 及 兩 弟 ， 一 家 六 口 同 住 現 場 附 近 汀 角 路 布 心 排 村 一 幢 三 層 高 村 屋 1 樓 單 位 ， 祖 父 母 及 一 名 阿 叔 住 地 下 單 位 互 相 照 應 。
事 主 中 三 畢 業 入 讀 職 業 訓 練 學 院 ， 修 讀 一 年 建 築 業 訓 練 課 程 後 投 身 建 築 工 作 ， 目 前 為 一 名 建 築 學 徒 ， 在 地 盤 工 作 。 喜 愛 駕 駛 的 他 ， 半 年 前 考 獲 車 牌 ， 至 個 多 月 前 借 貸 萬 餘 元 購 買 一 部 有 10 年 車 齡 黑 色 本 田 思 域 1.6 SiR 私 家 車 ， 並 進 行 改 裝 加 強 性 能 。 前 晚 9 時 許 ， 吳 向 家 人 稱 與 友 人 往 附 近 新 娘 潭 燒 烤 ， 豈 料 至 昨 晨 家 人 接 獲 警 方 通 知 ， 才 知 他 出 事 。
現 場 新 娘 潭 路 及 附 近 的 汀 角 路 一 帶 ， 由 於 交 通 稀 疏 為 非 法 賽 車 熱 點 ， 但 彎 多 路 窄 不 時 有 嚴 重 車 禍 ， 02 年 至 今 先 後 發 生 多 宗 奪 命 車 禍 。

 

                   睇完上面呢則新聞,自己有點兒晤舒服,除了當事人姓名同我一樣,最重要的:

                                             他只是19歲

                   剛為成年人,開始接觸社會,工作、朋友、經驗,很多新的東西在等待著他,可以說,是前途無可限量,萬千機會在面前,可惜,他已不能擁有..........                      

                   我在多年前試過學車,只是在車場駕駛也有點戰戰兢兢,到出馬路時更不用說了,當年,我考了兩次,但都不成功,亦打消再考的念頭,因為瞭解到自己不適合當駕駛者........

                   這年的交通意外實在太多了,希望多些人注意安全使用道路的意識,也籍此向死者的家屬致深切的慰問,希望他們節哀順變......

連續三日假期的最後一天

            終於到左三連假o既尾聲(編完端午節放假,心諗:中間番一日咪好戇嘟,就放埋禮拜一)......

            原本想朝早起身,晤掂,典典下都成十二點至得......

            一路睇扒龍舟一路吃午飯,比賽就冇乜興趣,反而係睇安德尊玩野寸下人......

            時間尚早(一點零鐘),換好衫衝出街先,搵間較為小人幫襯既髮型屋,剪個髮......

            之後,call阿儀,之前已經約左去睇戲(晤知點解,係我請?)......

            我逛住荃豐等,條友仔遲遲未出門口,我又行過去三聯逛......(成三點幾)

            以為o係地鐵join埋,點知佢話自己搭巴士出旺角方便o的,我即到地鐵站,入埋閘啦......

            到朗豪坊UA買定飛,睇-- 神奇四俠2  

            

             跟住,行朗豪坊......行花園街......行新世紀廣場......行女人街......食埋dinner

             九點半開場,十一點二散場,片長較預期中為短(94分鐘)......

             今集冇乜驚喜,講故事更快,內心戲比上集仲少,絕無悶場......(千其晤好同蜘蛛俠比呀,兩回事)

             冇問題,我都係睇Jessica Alba o者,已經滿足左我需要~~~(但Sue Storm個角色已經冇咁活潑了)

              80分+5分(作為F4 fans)            

            

Happy Birthday Paul

      今日(14號),老友阿Paul生日,下晝開緊工......五點左右,諗住call佢吹兩句水啦.......

      講講下,原來佢係放假既,又冇野做,問我駛晤駛炒散,咁我老實話晤駛......

      跟住就應承同佢慶祝,又話想番大陸,又話去睇戲,卒之......去食飯......先!

      等我開完OT(成7點半),兩條友行到荃灣街市街,打冷......(間鋪晤記得個名,細細間,冷氣好鬼凍o既)

      食飽飽,要抖抖,上左佢屋企坐坐......

      睇下now,順便幫佢download o的三呀四呀~~~

      等到10點半咁上下,Samuel收工過埋黎,又諗下有乜攪作......

      去飲酒!三條友行去愉景新城對面o個間bar(又晤記得叫乜名),入面都幾多人......

      蝦,呢度竟然有得點歌唱K喎,o岩晒我何車啦,一路飲酒,一路玩骰盎,一路唱K (浮誇呢o的當然不可少)......

      開心時間過得特別快,玩玩下,三點o拿?

      夠皮了,Samuel打的歸家,我送阿paul到佢屋企樓下......

      又吹左一陣水,先至打道回府~~~~(好眼訓)

燒野食or 飲酒?

        禮拜六,又有節目!

        收工,先由熊貓行呀行,到荃灣西鐵站(行左成廿分鐘)......搭車去元朗

        目的地--- 西鐵燒烤樂園

        呢個場都好大又有蓋,但天口慶...燒野食...

        重點係,燒烤爐隔離,有個vip冷氣房,正係呢間

          (資料圖片)

        燒完野慶合合,入冷氣房嘆下,仲有電視睇-裝埋有線架,正嗎?

        不過,午餐當然冇免費,租房另加150大元(就算預十個人,都係人俾多十五蚊o者,晤算貴)

        係我到之前,Claire,阿珊,小翠,阿邦,阿星,表哥& his fd(阿Bob)已經燒緊......

        連埋阿儀+佢的酒網友,加起黎差晤多廿人!

        今晚天氣真係好熱,我燒好小野食,哩係房多,兼且阿儀o的酒友帶左好多酒黎,飲酒仲多過食野......

        可惜,Claire同阿珊有事要先走......更可惜係o者賢,o係兩個女仔走左之後先到......

        玩到十一點半,係時候散band了,帶住一身汗番荃灣......

        送埋阿儀搭巴士,急急腳番屋企......

        要沖涼!沖涼!沖涼!

忙.食@531

          已經連續幾晚OT,個人有點兒倦.......

          朝早對住個"芒"已經feel到想訓一陣既感覺......

          Lunch,同埋傳訊部幾位同事,慶祝阿Celia生日,落左3F大堂間金田食......

          都好耐冇黎食.....發覺o的野食渣左......

          自己又笨,嗌左個石頭飯set,兜飯鬼咁熱,入面又有kim-chi,再撈少少辣醬,食到成頭汗......

          番寫字樓冇耐,有事要上11樓,係走廊見到Samuel拎住個Tiramisu,拉左我入傳訊部......

          晤駛問阿貴,唱生日歌,切旦糕(冇預備蠟燭).......

          分旦糕呢下當然由我做,強項!

          之後,繼續趕埋尾.....四點幾,有人交雪條,條o靚羅左條Magnum俾我,見佢咁有誠意,又食左......

          殺呀......終於,八點收工,可以去食麵咯~~~ (正所謂: 攪 掂,食碗麵)

        

感受

     我知我有晤岩,亦冇同你講清楚.

     只因為我同你既立場晤同,

     我會諗下自己係咪晤適合做落去,

     對不起

足總盃,輸了

            

                 賽前,阿Sir愁眉深鎖

        

               呢球晤入

          
               呢球,又晤入

          

               就o係加時下半場,俾杜奧巴呢一腳......車路士一比零

              

                 呢班人好開心

              

                相反,呢班人冇晒mood

                              

                               算吧,不用灰心,下年再努力