2009年3月28日 星期六

買TEE

             今晚(27號)收工,冇野做,想逛街,忽然記起......

 

            

              ( Milk 400期, 內頁)

 

            

             

              ( 價錢又相宜 )

 

              即刻過去荃新天地間UNIQLO睇衫......最想買o既亂馬1/2別注[熊貓]已經冇晒!有o的失望(著番工都幾型架),唯有睇下剩番o既款......最後,揀左一黑一白

 

              

               ( 前面冇乜特別 )

 

              

               ( 重點在背脊,仲係全場剩番一件)

 

              

               ( 兩套安達充漫畫o既mix, 陪我長大架喎,冇得甩)

 

              

               買完衫,已經係八點幾,仲未食晚餐,終於......去麥記,試埋呢款: 四川辣椒

               

 

                Shake緊o個陣o的辣味已經攻鼻,食落口就似椒鹽味加辣......食完成包薯條之後,條俐麻痺晒~~

2009年3月25日 星期三

冇得玩,睇住先

              千呼萬喚,終於到了......


              話說呢本電擊ARCADE CARD,喺香港一係超級難買,一係訂極都訂晤到......咁啱得咁橋有位朋友,喺AMAZONE日本網訂雜誌,順便訂埋一份,等到佢番香港(本雜誌係先寄去佢日本屋企), 哈哈!有得睇......


             


              係呢度,要隆重多謝一下 :


               多謝川上祥子小姐


          雖然全港得四部機,仲要喺旺角,不過有得睇住先好過冇,鬼叫自己中咗毒咩.....


2009年3月23日 星期一

禮儀師之奏鳴曲

                

                        

               奧斯卡最佳外語片,果真不賴啊~~

 

               大提琴手轉行做禮儀師,故事已經有點看頭,再加上本木雅弘,真的非看不可......

 

               又一套過兩小時的電影,節奏雖慢但並不悶,戲裡的情感一點點累積,令我也受感動,眼淚不其然又流下來.........

 

               故事主題係死亡與感情,原來死亡不是一個終結.......

               

               本木的演出,由拉大提琴到清理遺體儀式,都是超水準,很專業很型! 廣末涼子表現一般,或許對白較小吧,但已經擺脫偶像的模式,能令人自然的感覺.......

 

               此片找來久石讓做音樂,看畢全片,總覺得大師只用了七成功力,不及宮崎駿的電影.......

 

                喜歡電影的要看,喜歡日本電影的,一定要看!!           

2009年3月12日 星期四

保衛奇俠

             實在偷懶左好耐......要回歸yahoo blog !

 

             曼聯o係歐聯殺入八強,感覺很好~

 

             今日放假,約埋啟明,過Mega Box,睇呢套  >>   

 

              

 

              點解入九龍灣睇?因為得UA IMAX做原裝冇刪剪三級版(165分鐘).......

 

              呢部戲既評語係: 晤易睇

 

              首先,頭30分鐘我訓左10分鐘,近幾年都未試過,因為戲o既初段主要係講對白多,係有o的悶,過左呢part就可以捱到尾......

 

              其次,個故事比較偏鋒,加埋背景係八十年代,融入美國歷史,普羅大眾晤容易明同接受......

 

              雖然製作認真,但......同The Dark Knight比,又係爭成班!

 

              不過,有拳頭,又有枕頭,再加埋何B仔,呢套戲就變左三仔! 

 

              ( 後記: 散場已經係晚上六點,搭接駁巴再轉港鐵,都好鬼多人啊~~~~ )