恭喜!鹿島鹿角

             禮拜六(1號),公司轉新system,第一日正式使用已經發現了晤少問題,好在仲可以改......

 

              食晏時間,阿Ken晤得閒,得我一個出去......1時30分,重要戰役開始......

 

              J League最後一輪 : 浦和紅鑽 鹿島鹿角 爭奪聯賽冠軍!!

 

             賽前紅鑽領先鹿角一分,只要呢場作客FC橫濱贏波,就算鹿角主場贏清水心跳10比0都冇用......

 

             之但係,波係圓o既,大部分球迷都估晤到,聯賽包尾o既FC橫濱,竟然o係上半場領先紅鑽一比零!同時,鹿角憑小笠原滿男o既入球,以同樣比數領先......

 

             下半場,紅鑽仍然未能追和之際,鹿角再由本山雅志同馬昆奴斯各入一球,3比0,鎖定贏波戰果.....

             

              最終,鹿島鹿角重奪聯賽冠軍!我同成班球員一樣咁興奮......

             

 

              因為,早在七月,當鹿角落後紅鑽十幾分o個陣,我買左廿蚊鹿島鹿角贏聯賽冠軍,成25倍架,仲諗住冇乜chance,當六合彩賭啦......

 

              咁都可以執番五舊水番黎,多謝晒,根占真伍(橫濱入波o個位球員)!

 

             

 (如果我o係球場裡面,一定嗌到顛!)