估晤到,自己可以三日晤用電腦,因為,很疲倦......
回到星期六(19號),日頭已經係幾忙下........
收工番香記,炒完四個半鐘,因為一o的誤會,加埋某個人應該晤留尾但又走去留尾,攪到我要同阿傑落旺角.......
等埋叫番轉頭既馬文同廷威,四條友搵定落腳......行下行下,去到豪華戲院隔離,有得打麻雀又有now睇,係你o勒---金沙會!
超多人,要打住廳先(好在有部電視+電腦),打左陣,阿宏又到(本來係佢坐我個位打,但冇落場),一齊睇波,吹水.......到兩點零,可以入房(阿宏閃左)......到三點幾,留完尾o既子樑蒲頭! 冇耐就頂左馬文個位, 繼續未完o既戰鬥........
打到星期日朝早九點幾,埋單,打八粒鐘+四份三文治+無限飲品+茶水,$300有找,抵玩啦......(雖然我只係贏幾十蚊)
跟住,過去雅蘭中心間大家樂食糯米雞,講下麻雀,講下北上,講下馬文.....笑到肚痛~~ 要歸家了........
沖過涼,訓o係梳化睇電視,放鬆地諗住結束之前o既辛勞,點料到.......
門開了! 係大家姐同埋三家姐同埋阿爸阿媽飲完茶番黎.......仲話:早你又晤訓,而家你晤駛訓勒......故事既發展,飯檯變左麻雀檯,我又成為四方城的一方.......
打到夜晚,連埋二家姐一家加四家姐等十六人,去英皇娛樂廣場間酒家吃飯,係叫餐o個隻,冇乜特別,只係想快o的埋單,番屋企........(已經捱左36個鐘)
非常疲勞,但又忍晤住開電視睇波,終於睇睇下訓著左~~~
