星期天@Mega Box

                  好多日晤得閒寫blog,攪到好似寫回憶錄....... 

                  星期日(16號),超早起床!

                   其實都係訓左兩個鐘左右(睇睇下薩拉戈薩個場直播就訓著左)......六點鐘仲識得醒,眼矇矇地刷牙洗面換衫,出門口.......番到公司已經係集合時間--06:30

                   o的同事到晒咁滯......即刻上公司車,直去九龍灣Mega Box !

                   事緣合和胡公子有份攪o既業餘冰上曲棍球賽(星期六+日),叫到公司同事幫手,邊有得託手肘,我被編今日去.......做o的乜?係做食蕉,仲要連皮(解釋: Security)

                   即是控制下秩序,留意下閒雜人等,加埋拎住個Walkie做下聯絡咁......

                   上年已經做過(o係西九龍中心),今年比較好做(新場加上設備好)......

                   有o的晤方便係,食野一定要o係商場入面(方圓幾里都冇食店),兼冇大家樂/大快活/美心/麥記,要使多錢食(公司有三文治供應,但.......)

                   到中午,得閒o的,可以有時間行下(因為我未黎過),到左間電器鋪,擺左個Gundam係門口......    

                  

                   睇清楚o的,係賣架,價錢係..........$35999 (見右手邊)

                   搵阿水買咩??

 

                   xxxxxxxxxx

                   終於,六點走人(個比賽係未完的),因為要趕番九香開工呢~~~