外賣遇見了翠翠

           今日凌晨,我仲o係屋企睇緊波,晤願訓之際,阿傑call,想我幫手番一單外賣(因為有人甩底),佢又話好做又盛,就應承左.........

 

            朝早五點至訓,九點半要起身(番十點喎,不過可以遲少少),梳洗換衫出門口,先番公司,因為要拎黑鞋............跟住買個包吃,過千色店後面搭小巴,去荷里活廣場.......

 

            車程比地鐵快,車費都係十蚊o者,係嫌個司機十問九晤應(梗有人上車會問: 去晤去xxx,xxx有冇得落,條友好晤想睬人,好勉強先講句: 你記住陣間提我喎,超!);仲要黑口黑面(成車人爭你錢晤還咩),多呢o的咁既人,坐車都晤覺安全.........

 

             十點半去到,其他兄弟都到齊,睇睇......原來係商場一個預祝母親節o既活動,要派食物俾嘉賓(有填鴨/餃子/湯等等),同場仲有高均賢同葉翠翠.........

 

             節目未開始,問題就來了,我地剩係著左恤衫西褲皮鞋,但主辦單位要求我地著埋背心+煲呔,終於........要搵人出去買咯........

 

             

              ( 暫時冇野做,影下相先.........好似成班學生,哈哈)

 

             十二點左右,function開始,做既野好簡單,遞下野食,跟住收下野,又派下水,派下紀念品咁......好快就過四個鐘,呢次真係easy money...............

 

              最後,要多謝翠翠,佢真人好fit, 祝佢越黎越fit !! 

 

             

往帝都一遊

　　　　 星期六晚(12號),收工,行去千色店對面等巴士......

 

                48X,入沙田,到新城市廣場,跟阿儀番帝都酒店炒散.......

 

                換過衫去飯堂,個檔同的野食真係......(下刪三個字)

 

　　　　 番２樓帝都軒,經過廚房,哈!撞番阿財哥、牛哥等(熊貓舊同事)........

 

                樓面又有o的工友認得,又見到Alan仔,當然,仲有冼生啦(中菜部渣fit人)

 

　　　　 做細房５圍,係日本公司annuel dinner,OK啦........(o的長工幾nice)

 

                23:30收工,行去保安部出糧,又有Cash............

 

                兩條友走去搭火車,o係月台,講講下笑,條友摑左我一巴,即流牙血.......

 

                慶慶地(條友呢排好鍾意郁手郁腳),晤x同佢一齊,我搭下一班車......

 

                出旺角,過新君豪,睇曼聯vs紐卡素,上半場射極都晤入......

 

                下半場,黎料!! C朗o既罰球,射過人牆,先開紀錄,YeaH...........

 

                 贏到三比零,走人,番屋企了......(最後比數>>６:０)

星期天@Mega Box

                  好多日晤得閒寫blog,攪到好似寫回憶錄....... 

                  星期日(16號),超早起床!

                   其實都係訓左兩個鐘左右(睇睇下薩拉戈薩個場直播就訓著左)......六點鐘仲識得醒,眼矇矇地刷牙洗面換衫,出門口.......番到公司已經係集合時間--06:30

                   o的同事到晒咁滯......即刻上公司車,直去九龍灣Mega Box !

                   事緣合和胡公子有份攪o既業餘冰上曲棍球賽(星期六+日),叫到公司同事幫手,邊有得託手肘,我被編今日去.......做o的乜?係做食蕉,仲要連皮(解釋: Security)

                   即是控制下秩序,留意下閒雜人等,加埋拎住個Walkie做下聯絡咁......

                   上年已經做過(o係西九龍中心),今年比較好做(新場加上設備好)......

                   有o的晤方便係,食野一定要o係商場入面(方圓幾里都冇食店),兼冇大家樂/大快活/美心/麥記,要使多錢食(公司有三文治供應,但.......)

                   到中午,得閒o的,可以有時間行下(因為我未黎過),到左間電器鋪,擺左個Gundam係門口......    

                  

                   睇清楚o的,係賣架,價錢係..........$35999 (見右手邊)

                   搵阿水買咩??

 

                   xxxxxxxxxx

                   終於,六點走人(個比賽係未完的),因為要趕番九香開工呢~~~

特別版

 

              很久沒寫blog了........

              今日早上,可樂個行街張生黎我既office,原來拎新產品介紹......

              呢個叫coca cola zero,零糖份?咪仲light過coke light ?

              佢話呢個係限量特別版喎,特別之處o係邊?

             

              原來o係個樽形o既barcode度,因為過晤到scanner,所以街賣o既版本,barcode係長方型的!

              真係好特別o既一個特別版~~~(咁咪晤可以試下味?)

              xxxxxxxxxxxxxxxxxxxxxxxx

              下晝,收到個call,望望個電話......係Brenda!

               佢曾經係Panda中西餐o既秘書(過去式),亦好耐冇聯絡(一年一兩次左右),咁梗係要寒暄一陣.......傾傾下,我就講話上個禮拜六晚o係旺角,撞見佢同個男仔一齊,應該拍緊拖啦......點之,佢話o個日晤o係旺角,係我認錯人喎,真係??

                我冇同佢拗,始終呢o的係人家的私事,唯有祝佢好快搵到個honey咯......

                不過聽下佢把聲,傾下計,都係開心o既(原來我都仲關心佢播).....

               

病了

                  要從星期六說起.......

                  朝早返工,已經被傷風箘強烈侵襲(其實半夜已開始),直至11時30分,終於頂晤順走去睇醫生......係傷風+喉嚨發炎,仲有小小頭痛,無奈地問醫生拎左一日sick leave(番查紀錄，原來舊年我冇放過病假),拿拿淋去食碗粥，跟住番屋企食藥大覺訓,矇矇矓矓間聽到的家姐姐夫番黎......跟住打麻雀......有人開電視機睇有線......夜晚出街吃飯咁......到我醒番時,就係老豆拎住碗雲吞麵外賣叫我食o個陣......

                   星期日,好晏至起身(因為半夜又睇波,完全晤記得自己係病緊),冇耐就出左街, 因為約左我蛇頭夾o下黎緊呢個星期o既散工order......去左老尖一間茶餐廳,一路食一路傾,之後去香格里拉開工了......收工後,都係忍晤住,同個friend去左食燒夜兼睇波......

                   今日自己放自己假,所以可以真正休息下,晤好再病咯~~~

 

篤背脊

　　　　　平心而論，自己甚少篤人背脊，俾人就多......

　　　　　又來一單......我下屬落柯打給採購部訂貨，原本星期一訂星期二來貨，但是沒有到，致電查問，原來採購部一整天也聯絡不到供應商(很難得才聽到的理由，亦要接受，但起碼早o的通知聲)，之後我很好彩地一次就能聯絡到，跟進柯打之餘還要回覆採購部同事......

                    落了柯打，但貨趕不及到，用家(飲食部)當然炸晒型，一個晤該將責任推落我部門身上，開會o個時對住我上司又講幾句咁(出聲通常都係o的阿一阿二，口夠大o麻)，後來我又要做野，向上司解畫(照例幾句攪掂，始終應付過晤少，有經驗)，還要向餐廳、酒吧同事交待一下，呢個收貨主管都晤易做個喎......

　　　　　　晚上，有位舊同事call，話左個消息俾我知，令我不期然要諗一諗～～

今晚原來係乜水個細佬結婚

  10月24日,晴.

     收工後趕到去柏寧酒店番partime,27樓有宴會.......晤知係乜水個細佬結婚(佢剩係話多謝珊姐),主角並晤重要,但係的guess既陣容先至鼎盛......先有兩大經理人--Paco+Mani(好想走埋去講句:多謝Paco多謝Mani),仲有倪俊傑+滕麗明做兄弟姊妹,同埋單拖出席o既李珊珊,間晤中o係有線會見到o既吳文忻,加埋講馬又講波o既駱詠豪,到後來......連英皇阿楊生楊太+吳雨都黎(當然有保鑣跟住),真係誇張(睇o的人個個都"老闆""老闆"咁叫就知道楊生地位超然),再加上一班傳媒,好不熱鬧.......

     除左做野,我當然晤會放過昅女仔o既機會啦,呵呵~~~~~~~