有o的運

               話說有金多寶o個期六合彩,我好少錯過......呢期(29號)又有幾千萬,番緊工o個陣仲周圍提同事買.......

 

                到左收工,冇理由晤一齊發下個橫財夢架,急急腳去投注站.......

 

                平時我通常度四注六個字,廿蚊,頂多買兩張,今晚忽然心血來潮,想買複式!

 

                先拎張吉飛,睇住過往結果塊版,左度右度,寫好號碼再埋去篤篤機襟飛......

 

                買左八個字,都係一百四十蚊.......食完飯又晤想四圍騰,早o的番屋企.....

 

                順便睇埋攪珠,第一個.....7號,第二個......34號,晤係掛?

 

                o係o個幾秒內,有一種會中頭獎o既信心出黎,非常刺激,望實螢光幕眼都晤眨.......

 

                結果如下 :

 

                      

 

                 攪出黎o的號碼同我諗o既範圍非常接近,幾有眼光喎.....(當然係事後孔明)

 

                 不過,自己知自己係辛苦命,冇咁易嘆世界~~ 但都係有運仔,買百四贏二千二,剩袋二千一,都好好咯,呵呵呵!!!