晤知仲以為自己退左休
o係個blog 失蹤個幾月
夠膽死開多個blog寫第樣野
攪到而家晤湯晤水
連相都影少左(晤計有明星既function)
想靜下，但又好似好多野要做
越黎越混亂
要減少呢的事發生(呢句學特首既)
2009年7月23日 星期四
書展@2009
星期三(22號),書展day one,點解我會去呢?
集合左幾個因素:
1.一早編左放假,冇節目
2.想買周秀娜寫真集,有印花,平o的
3.原來即日下晝(4:00pm)仲有簽名會,可以見下真人
4.又原來一點前,到會展買飛入場,只需10元
(兩本寫真,每本原價$98,用印花買$78,合共$156)
(咁o岩買滿$150,又送個Chocolate Rains o既環保袋)
(今年個場大左又闊落左,好行好多)
(不過,好多呢的手提o急四圍行,有的危險)
(傳媒一定多,上無線下有線)
(入場晤駛排隊,反而買寫真俾錢先至要排)
排隊等緊之際,已經同香港寬頻台+星島日報既記者做左訪問.......
(奇怪,要限住買,做生意個播......)
(又晤係晤夠賣丫......晤明)
老問題又出現,就係冷氣晤多夠,不過,我睇佢地辛苦過我......
(好侷架......)
(麥o麥真厲害,年年賣年年有,佢都算經典)
(要早的去等簽名會,呢處係3樓,先排一陣......)
(到上左4樓,都仲要排.......)
(到入左個君爵廳,仲係要排......好多傳媒+記者呀)
攪左好耐至開始簽名......
(就到喇,見到Chrissie個樣......)
(到啦,到啦,有的緊張......)
其實係熱到成身汗,跟住仲要揹住一個袋,抽住一個袋,一隻手遞寫真集,一隻手楂相機,仲要同阿Chrissie講加埋"To Alan",o的保安又催你快小小,卒之.....失手了,影成咁
到後來,有線新聞仲要拍左我又播出街(雖然得3秒,但係兜口兜面,識既都會認得),原來,我應該搵阿發菜.....晤係,係司徒法正師傅,幫我算一算先
攪到走o個時,遇見杜如風小姐,都同晤到佢影張合照,可惜.可惜~
2009年7月5日 星期日
尋找鳳梨酥
星期六(4號),放假,趁下晝得閒,出太子搵野......
(行到去花墟o個邊,太子道西)
(就係呢間)
呢間餅店除左有麵包,西餅,又有曲奇餅,不過......我黎幫襯既,係鳳梨酥
人手製,每日新鮮出爐,五蚊一個,買五送一,即係半打$25......試過之後,都晤錯喎,個皮比台灣制更鬆軟,反而中間料比台灣版甜少少,值得推薦!(其實有o的曲奇同旦糕都好正,不過晤方便企係門口影相......)
(咁大個盒,點放細細舊鳳梨酥?)
(原來係咁!)
天氣非常侷熱,攪到成身濕晒,望望附近有邊處可以避暑,就過左隔離新世紀廣場.......入面好似有function.......
(咁多攝記,有乜野影呢)
( 一比一柯柏文係其中之一)
(有位靚女,好熟口面......)
(係諸葛梓岐,狄易達坐o係隔離)
(同場仲有William 陳偉霆)
(另外有一位我覺得好成功o既靚女強人: 胡敏珊)
到我想嗌阿梓岐小姐影張合照個陣,佢笑笑口轉身就走左咯,噢,做乜咁趕呀妳~~
夜晚,返香記,收工個陣Nana約左,落旺角食甜品......日頭鬼咁熱,侷到成身濕;點之夜晚落大雨,又淋到成身濕.真是"天有不測之風雲".......
(落左石磨坊食,見好多人食,我又叫個試下)
最後,發覺原來刨冰要好耐至食得完,同埋......越食越凍!!
2009年6月29日 星期一
從台灣來的手信
昨晚返工,收到阿雋o係台灣買回來的手信.......
其實,係我指定要佢買既,一: 因為出名,二: 因為好食!
鴨舌,鐵蛋......都不是我杯茶,
只有佢, is賣飛佛......
名字叫-- 鳳梨酥 !
呢個東西,我十零歲已經鍾意食,由細細包膠袋裝到晤知係咪大陸製o既紙盒裝......o係超級市場再買晤到好食o既鳳梨酥之後,唯有轉移目標.......
每逢有朋友過台灣玩,我必定要求o既附帶手信......
晤知係咪開工前食少左,到收工返到屋企o個陣,feel到好肚餓~~終於......忍不住,食左3件.......(其實已經忍左,本來想食5件)
冇辦法,因為係實在好好食......(這是什麼形容詞啊~)
2009年6月22日 星期一
2009年6月2日 星期二
未來戰士2018
上星期六(30號),同阿宏,阿鍾去Elements睇左......
話晒打著TERMINATOR個朵,同埋第三集實在太爛(電視台播我都冇番睇),又加埋有Christian Bale做,再加上幾個新o既Terminator設定幾型,好難晤入場......
但一開場,導演打出.....McG,有o的擔心......
頭20分鐘,我真係晤係好明講緊乜......應該話,個故事主線晤係好明確,角色晤少但晤係好有條理去交代一下,再次証明McG處理場面比講故事好......
晤好以為會有成班機械人圍住主角o既場面......呢套晤係Matrix
"I'll be back !","Come with me if you want to live" o既對白絕對係迫你回憶頭兩集(我仲諗番家有喜事~),仲有Linda Hamilton聲演番Sarah Conner,到尾段,阿諾豬華辛力啤仲會復活......
笑話一則 : 散場o個陣見有人晤走,以為仲有片睇,卒之......等到roller出晒,係冇o既~ ^_^
係要求不高o既大前提之下,呢個第4集都算ok,晤知......仲會晤會有第5集??
(同場有個模型展,最大就係呢個一比一Terminator)
2009年5月7日 星期四
生日@2009 ( 已加相 )
生日年年有,今日輪到我......
話說,當我睇"耳分高下",見到哈林哥唱"abalibeabalibay"時,左邊4個,右邊4個(靚女),不知幾令人羨慕,忽然間有個念頭,趁今年仲未到四字,搵八個靚女陪我慶祝下生日都好喎........
呢個計劃由一個月前開始構思,阿儀幫手約人.....(o係度都要鳴謝一下)
到昨晚(6號),約左去食日本菜,地點係利舞台廣場"伊勢"......收左工,阿儀已經o係員工出口等緊我,先搭港鐵出銅鑼灣.......
出到去,見時間尚早,過利園間Cova,扲一個1磅裝旦糕(係Smartone送o既,買就要$260架),再過Time Square......家樂已經到左(佢個bf送佢黎,幾高大又幾靚仔),企左o係大電視底傾左陣,Jenny黎埋,先上去"伊勢"坐低先......
個場都幾靜下.......過多一陣,阿智到......再晏o的o的,阿傑同Summer一齊到埋,閞得飯咯......
到最後,剛收工o既Claire o係東涌過埋黎,咁就湊夠八個人,一齊食生日旦糕o勒.......
雖然,阿群/小翠/Irene/Vivien/Phoebe分別有事黎晤到,都有小小遺憾,晤係因為晤夠多靚女,而係我炒散咁多年一路睇住佢地,儲起左好深厚感情,但又晤係成日見到面,諗住借生日約番出黎聚舊.......
人生不如意事十常八九,最重要大家都係健健康康,就OK啦!
2009年4月3日 星期五
北原照久之玩具博物館
星期一(30號)晚,見冇乜野做,約埋阿宏過去太古城中心,睇呢個有錢未必買到,買到都冇"訂"擺既玩具展.......
( 呢兩件高過我o既,原來係......)
( 係扭旦機!左腳入錢,右腳出旦 )
( 型 ! )
呢次我冇影晒所有展品,因為......仲有其他人參觀緊,要全部影晒就有排等,兼且肚餓,所以影得幾急下,加埋o係室內仲要係細射燈,出黎o既相晤多滿意,可能會搵多一日o既日頭再去......
訂閱：
文章 (Atom)