因為有張買一送一o既coupon未用(31號到期),所以揀左呢套睇~~
六點仲趕緊手頭o的野......搭半至收工,即時飛地鐵出旺角......
會合已經o係金雞廣場機鋪o既阿宏,一齊殺過去新世紀廣場!
買左飛(都晤係好多人睇,關晤關配音版事?),上樓上food court食野,拎住盤野四圍行.......原因係---o的位分到一舊舊,有PK仲將o的袋呀盛擺係個位度,仲有o的死o靚妹,得兩個冇幫襯齌坐仲要話有朋友黎,霸晒成張四人位,攪到搵位都用成十分鐘......火都黎!(離開場仲有半個鐘,好趕)
講番套戲,忍者龜o既CG做得幾好咯......但完全係做俾細佬仔睇,個古仔一條主線直落,加小小打(一滴血都冇見),小小CG(大場面又晤多大),配音亦一般(用到阿旦林海鋒,晤會有乜問題),到散場時個腦係一片空白(冇野可以回味)......
下晝,對住部電腦做緊野,忽然想過海,行下街......好耐冇去過188,今晚又得閒,就去吧!
吹開水,話左俾阿儀知,佢又話去(係佢同阿超人&Kitty下午茶o既時候)......
順便又同超人&Kitty吹吹水,超人撩我禮拜六打麻雀......
好難頂佢兩個懶溫馨既笑聲~~~~~
七點左右出到灣仔,行行下,突然落大雨,即刻搵地方避.....(好彩係過雲雨,落一陣就停)
兜兜下,終於o係188門口meet阿儀......商場內依然係好多人,買NDS o既都晤少, 講真,o的game係好玩過PSP喎~~~
最後,我既收穫就係搵到Cooking Mama o既攻略!
之後過銅鑼灣,o係TIme Square既City Super,竟然冇CC Lemon !!
再上樓上Page One逛,執左本舊雜誌(日本),30蚊......
跟住過Sogo,落底層supermarket,有jetso......就係買特價壽司吃(九點後開始減價)
仲有賣墨魚丸個檔,買一送一,買左盒墨魚丸+燒餅連炒麵 烈都係廿零,抵!
食飽飽行番落灣仔(真係好飽,要行下),至搭地鐵走......
例牌要送佢番屋企.....佢就想
XXXXXXXXXX
見雙手冇乜痛(係博命玩Wii既後遺症)，蠢蠢欲動......
又上Wison屋企，玩Wii !(順便拎的日本旅遊書仔俾佢睇,佢遲的又去,係又去......)
原來Wii Sport個golf都幾好玩個播～～ (反而Wison好有興趣玩改icon)
今日主打game: koo....king....ku, Mama(日語)
繼續整野食......暫時黎講，蛋糕最易整(零的突破,取得一個金牌)，壽司最頭痕，因為睇晤明o的日文指示，要搵攻略!(o的mini game都仲未玩過)
又玩到成點，仿似中毒般暈下暈下番屋企．．．．．．
星期六,有節目.
日頭,番工,夜晚,炒散......咁之後呢?
11點半收工,行落地鑯站,打左個電話(想問o的野),但俾人噴到一面屁,之前俾個captain兀已經火火地,到地鐵站大堂,有想番屋企訓o既衝動......
跟著Claire call我,問我響邊,又話阿珊甩左底,一定要我到咁講......我諗,呢邊個阿培咪又放飛機,若果我都晤去好似幾掃興,接住收到表哥o既call,又係查位置(佢同阿星係銅鑼灣過去),講多兩講,徘徊o係大堂o既我終於入閘,搭車過中環(去邊?睇個題目已經知)......
到中環站近E出口o既恆生,見到Claire,儀,Teddy(以前係帝京一齊炒過的工友,都有o的印象)同Connie(佢病病地),等埋遲我小小o既表哥&阿星(係個名,晤係阿差),7武士殺入老蘭!!
已經很多年未踏足過o既蘭桂坊,嘩真係好鬼多人~~但又好興奮,因為幾多索女(就算晤索都會執執先走出黎,所以衰極有限),攪到冇晒方向感,見靚女就望......
去到其中一間叫Dish既(晤知算Bar定餐廳)地方,重遇一位舊同事--咖哩(麗晶年代),o係鋪頭門口坐低,一路飲啤酒,一路食煙一路傾下而家,講下從前(又可以睇女仔)......
到咁上下入番去,試下咖哩整既cocktail/long short drink等等,飲既晤小,但食亦晤弱,前後都開左五.六包薯片(兩隻手板咁大既一包),又飲又食,當然晤少得影下相(電話係咁閃)......
中途,孖左表哥&阿星行左去翠華食野,胃空空晤掂呢(時為凌晨差晤多三點)......
番番去,跟手埋左張單先.....7舊咁抵(除7個人喎,真係老友中既XO),以為係收兵時間,原來係高潮既來臨,其時鋪內冇客,阿伙計C小姐將的抬搬開,中間滕空左地方,加埋強勁既音樂,溝埋少少醉意,仲晤relax下,跳跳舞咩~~~~~
爽呀!仲要連波都忘記買,死未?
今日收工,晤番炒散,因為Wii ! (好似叫"we")
收到風,我的好友Wison買左部Wii,新野喎,點忍得到晤去試下?拿拿聲做晒野,上佢屋企食飯兼試機咯...........
一入到屋,BB同波波二話不說就飛撲過黎,仲彈黎彈去,攪到我一褲都係毛(佢地係狗狗)
Wison仲派利是俾我添,開心!!
食過飯跟住開機,先玩"WiiSports",裡面有5種遊戲,當然由我拿手的保齡球開始~~
呢個Remote手掣果然厲害,晤用力fing個波都晤夠恆,隻手灣o的個波都會片~~~
接住到網球......最後係Boxing!......嬴左場交但打到成身汗(真係濕晒)......
下一個"開始的Wii",全部係對戰game,咁就孖埋Wison玩......最終賽果,我個icon頭葺葺,敗~~~
有的疲倦.....到左壓軸,就係好多人o係NDS玩過o既"Cooking Mama"!!
好玩!好玩!好玩!個Remote掣可以係菜刀/鑊/碎肉機/湯殼,甚至係燒烤用o既扇!!一路不停係咁煮,係咁煮,做左好多款菜(中國菜最多),不知不覺地玩到凌晨一點半!
終於要打的番屋企......仲未願訓上網搵攻略,死火!心郁郁~
很久沒寫blog了........
今日早上,可樂個行街張生黎我既office,原來拎新產品介紹......
呢個叫coca cola zero,零糖份?咪仲light過coke light ?
佢話呢個係限量特別版喎,特別之處o係邊?
原來o係個樽形o既barcode度,因為過晤到scanner,所以街賣o既版本,barcode係長方型的!
真係好特別o既一個特別版~~~(咁咪晤可以試下味?)
xxxxxxxxxxxxxxxxxxxxxxxx
下晝,收到個call,望望個電話......係Brenda!
佢曾經係Panda中西餐o既秘書(過去式),亦好耐冇聯絡(一年一兩次左右),咁梗係要寒暄一陣.......傾傾下,我就講話上個禮拜六晚o係旺角,撞見佢同個男仔一齊,應該拍緊拖啦......點之,佢話o個日晤o係旺角,係我認錯人喎,真係??
我冇同佢拗,始終呢o的係人家的私事,唯有祝佢好快搵到個honey咯......
不過聽下佢把聲,傾下計,都係開心o既(原來我都仲關心佢播).....
