重來的AKB Fan Meeting@160516

5月16日, 放了一天假
處理好些事情, 差不多六時才到九龍灣KITEC

相隔接近一年
等到Fan meeting重來, 心裡是興奮的
為了支持, 已預訂2張簽名券

沒買未姬的不解釋
只是打這篇文時, 感覺有點對不起她......

好快買左個飽食
跟住行過去Music Zone

都喺地下嗰層, 所以不用走上走落
指示晤清晰, 但都晤難搵到

先排隊登記
遠望有保安及駐場staff

啊, 是前官店的staff妹妹
見到她們實在太好~ 起碼熟悉AKB event的流程

輪到筆者時, 掃瞄會員卡搞左一段時間
是滑鼠問題非戰之罪啦

收到三張卡, 入場卡進場時已收
餘下兩張活動整理券, 藍色是奈奈, 粉紅是真子

場地是長方型的funtion room
進來時前面已經排了4,5行, 約百多人

找到在場的莉神, 貞貞
還有留左個空隙俾我企的邪牛丸, 諾同J

沒有了記者, 感覺很接近舞台
趁活動未開始偷影了一張

接近六時半, 雲兄及紀砂也到場了

過了一會, 活動正式開始
( 場內不準拍照，發生的事只能文字描述 )

MC請來一位居港日本人
名字是和泉素行(Soko桑)

看樣子好面熟,
過後才記起, 他曾經為有線主持節目

那種小許晤正經, 加上晤正的廣東話
現場一眾飯好受落, 反應不俗
( 最搞笑係向台下講日語, 然後望住成員講廣東話)
再有下次可以繼續搵佢

介紹三名成員出來, 先唱会いたかった
即刻開着手上支penlight打call
企得好密動作晤敢太大

跟住係傾計時間
三銃士真係做好功課
晤再講"些些", 係講真正的廣東話 !
未姬仲會講 : 好耐無見~

講完一輪對香港飯感覺之類的對白
接住玩個小測驗
題目是如果晤係AKB成員, 佢地會做乜

奈奈被其他二人指為名媛, 因為有貴氣
真子被指為幼稚園教師, 因為成日笑
而未姬就.....

可以做士多阿嬸同埋搏擊手 XDD

然後Soko桑話大會有禮物送俾成員
不過放喺個恐怖箱入面(變咗AKBingo?)
叫其中一個成員伸手摸下
台下當然狂呼未姬
Soko桑仲要補刀：佢嘅反應係好一流係咪？

掀開塊布, 箱入面係榴槤(香港特產嗎?)
不是整個而是只有肉放在碟
台下嘩然是指定動作

就當晤知入面係乜
佢慢慢行近個箱
由好擔心到好驚的表情
不斷講"咪住咪住"然後驚到喊
隻手掂到個箱仲嚇到跌低.........未姬好好戲啊 (誤

將碟好大陣味嘅榴槤送走
台下觀眾都有遊戲玩 ^^
得獎者五人
獎品係 -- 與三銃士一齊影寶麗來 !!

首部分淘汰賽, 要先過三關
第一, 穿短袖衣服 (我中!)
第二, 要戴眼鏡 (又中!)
第三, 衣服是白色的 (中晒!) (牛丸做乜想除我件衫....)

入圍者一起同三銃士猜包剪揼
要猜贏才可晉級
筆者一回戰就敗了(佢地竟然鋪鋪出包)

最後猜下猜下, 睇住5個人輪流上台......咁咯


玩完又繼續唱歌, 來多兩首
君だけにChu!Chu!Chu! + 恋するフォーチュンクッキー

因為喺室內, 音響亦set得晤錯
可以說連換氣都聽得到
感覺比西九好幾倍

之後成員回後台, 真子先行
奈奈同未姬bye到最後一刻才轉身

Soko桑最後說 :
" 如果你地想到其他成員嘅簽名,今日都有賣當日券嘅..."
當日券咪又係得3個 (笑)

" 關於之後握手會, 有請大會工作人員向大家解釋"

Soko桑離開, 就到Eric桑出場
" Eric! Eric! Eric!"飯叫著
Eric地位如同香港支配人, 不過佢而家只係打工

[ Eric公告 ]
"我地要將台前嘅地方, 轉為握手會
  變左大家要出番外面....."

一班人好聽話, 慢慢行出會場外面走廊
牛丸仲邊行邊講 : 我地出去交收咯 ~~

場外, 睇到有人排隊補飛
營運繼續收錢
都好吖, 賺到錢先有下一次

另一邊就係排握簽的人龍

我地晤急, 在中間位置交收兼吹水

沒多久Eric走出來
通知有未姬握簽券可以即時進場...
銷情真的那麼差嗎？


過左大半小時
見到龍尾在身邊才排隊
有blog友一起, 排得久也不用怕悶

沒有九點正危機, 又加賣握簽券
就算過時也不會出問題
只是晚一點完場而已

再入場不用檢查背包
只需經金屬探測器, 繞過半身就可
輪到我嗰時, 探測器冇電
又要多等幾分鐘才可進會場...

進內仍然要排隊等候
左邊是真子列, 中間是奈奈列

右邊的未姬列沒人排
不斷和其他列的飯揮手打招呼
遠遠也看到, 未姬雖笑著
但雙眼都紅了

在場的都明白發生甚麼事
很多人主動向未姬揮手, 或叫她加油
我只輕輕揮一下手
沒排她握簽, 感覺像向她灑鹽
有些於心不忍...

裡面的設置很簡單
放手提物品的長枱連膠籃都沒有
噴過手之後要自己將袋移前
不過大部分飯已習慣，秩序良好

或許因為有多次經驗
今次來得很輕鬆
與諾邊談邊排隊也不用看猫紙

留意到成員旁邊的staff
會提醒飯拿海報之餘要握手
令我想起某幻那次....

這次加添小道具
將昨年的合照印出來, 貼在Tee上面
看看會有何反應.....?

真子，我們又再見了

筆者 : Mako醬, 晚安~
( 真子見到筆者心口張合照 )
真子 : 啊 ! 真好呀你有去...哈哈哈~~
( 笑得好好好燦爛 )

真子坐低, 開始簽海報

筆者 : 今年總選我會投票的
真子 : 多謝你啊
筆者 : 我會投mako醬一票....
真子 : 晤...
筆者 : 仲有kojimako一票, Kojima Mako桑一票
( 真子已經意識到我玩乜 )
真子 :咁即係三票啦?
 ( 抬起頭望住我, 心諗你古惑啦的樣子 )
筆者 : (笑住)可能會多點的
真子 : 哈哈, 多謝晒

真子起身,
筆者左手接海報, 右手去握手

筆者 : 祝你19歲生日快樂 ~
真子 : 啊~ 多謝~~~~
筆者 : byebye~ ( 揮住手講 )


晤敢講係神對應
開始時真子哈哈笑已經意外x1
有20秒時間傾計係意外x2
所以我係停左一陣, 先講三個真子嘅梗
講完之後真子的反應係意外x3
被你逗完個別扭樣, 我呢世都記得

不理是否因那件事而變得熱情
總之我很開心就是了

接著又要去外面排隊
期間屢次whatsapp私言
引誘某位身在日本K字頭blog友
問佢要晤要奈奈直筆
甚至send埋圖俾佢睇，但仍不為所動

進會場又見可憐的美姬
這次決定直望向奈奈算了

筆者 : 第一次見面, 奈奈你好
奈奈 : 你好~

奈奈坐低, 開始簽海報

筆者 : 短髮幾好啊(雖然我覺得長髮更好)
奈奈 : Ye........ah

反應不大, 我望咗奈奈一陣

筆者 : 劇場公演, 我超鍾意Confession呀
奈奈 : 呀, 鍾意Confession....係咪好有型呢?
筆者 : (望住奈奈反應慢左）...呀，係呀
奈奈 : Con...fession...
（ 小聲講但又不是寫在poster）
奈奈 : Yuiri, yuiri, yuirin go.....
筆者 : 係...（晤識俾乜反應好）

奈奈起來了, 交海報和握手

奈奈：謝謝你～
筆者：謝謝......總選你要努力呀！
奈奈：係！多謝支持～
筆者：Byebye ~


可能同時預備兩段講詞
（有一段是假設某人要左張海報）
給自己用的對話不多

講兩句就望下奈奈簽海報
佢好專注同認真去寫
好像自言自語却令我接晤上
握手的力度也不算大

總括對應是沒問題,
可能女飯會好一點, 更熱情一點吧

兩張簽名A4拼在一起，感覺像門神呢 (笑

不過設計靚左好多
加埋用金色筆簽名更好睇是事實


筆者完成握簽
轉身時望向未姬揮一揮手才離開
希望可給她打打氣

還要等那位愛炫富的牛丸
所以站到入口附近

不一會Eric出來
看留在現場的飯, 又數數人數
然後提示會在完成握簽後
帶三銃士出來say goodbye
我當然打都晤走啦

原本只有幾十人留守
之後又多了幾十人, 估計有人通風報訊
那班走得不遠的折回來

正中間很多人
我悄悄地移到旁邊, 因為可站前一點
又要留位給差不多最後走出來的牛丸

不少飯都拿著手機預備好
我背後却不斷有閃光燈閃著

原來有位年青小伙子
拿部單反站在梯上, 仲要開閃燈
被我罵了一頓當堂面都青埋


終於，終於
等到她們出來了 ～～～

所企位置角度不大好
只能影到幾張較清楚的圖

難得可以拍照/拍片
要感謝Eric向營運落咀頭
（總覺得日方不會主動做這些）

最後三位成員用廣東話大叫：我愛離地(你哋)
所有當時仍在現場的飯
簡直興奮到頂點

最後最後，要給未姬的話

勿太介懷香港這細小市場
給妳不愉快的經歷
其實所有飯心裡都會支持
希望妳繼續努力


以上