將私人話題拎出黎講

某日, whatsapp留言給一位blog友, 提及乃團

又講乃團? 係, 雖然未脫離48G
但已經有種飽和感
相對乃木坂, 我仲會好有興趣
好興奮去講, 去睇番組, 去留意之後有乜攪作
有推嘅成員固然係原因之一
其次, 而家乃團好似五,六年前AKB
處於發光發熱時間, 係最好睇
有飯去推偶像向上嘅動力


我 : 乃團13單二次抽選, 全團所有部數未滿

暗示佢可以慢慢揀

過左一段時間, blog友回覆 : 做乜咁積極呀你?

我 : 鼓勵你加推嘛

其實筆者一直有check開, 無論去晤去都睇
當然心裡面會計劃下, 只係等適當時間去襟制
乃團握手會係逐次找數
而且只有一日時間去選擇, 晤可以抽住先
保障營運先收左錢, 亦晤需要做補抽
不斷抽, 抽到握手會舉行日之前
可以話係sell到盡


blog友又問 : 乃團握手時間同AKB差不多?

我 : 未試過握under, 不過top黎計冇AKB推得咁急

純粹係去得一次咁大把嘅感覺
場地細, 士大夫晤算多
去過AKB都會知, 士大夫好大聲嗌"下位""夠鐘"呀
握完AKB跟住走去握乃團
聽力由好嘈變得冇咁嘈
排乃團真係無推咁快
當時問過排我前面一位日飯, 一張券握幾耐
佢答晤到, 可能係好enjoy而冇刻意去計啩
反而係習慣左AKB嘅快速,
自己急急腳講完走, 嘥左一兩秒
可能係第一次, 太新鮮
無左死不放手嘅念頭


blog友 : 咁七仔兩張都夠啦

我 : 睇你想慢慢傾, 或者一部多握幾個成員

推人無咁快, 變相排隊時間一定長啲
如果只握under會好鬆動
揀top就要計一計
握大top如七仔白麻, 郁下排15至20分鐘
同一個人, 一部行三轉已經差不多
如果開始前排部頭, 四轉都可以
不過我諗, 晤係趕住走寧願鬆動啲
想再見咪抽多部
見偶像握手傾計係開心事
而晤係趕頭趕命之後
同人炫耀, 我一部握左5個7個呀咁
無獎品, 又晤會入健力士大全


blog友 : 原本諗住上午去XX合照, 下午去乃團握手
不過抽晤到XX.....
其實仲心大心細, 因為對乃團晤係咁大興趣

我 : 如果旅行嘅schedule晤啱, 晤好勉強去握乃團
反正去日本大把野可以做

如果多個人參與自己經歷過嘅事
有共同話題傾講下係好
不過做宣傳或者推廣, 只係想吸引人去留意
至於會晤會推, 去晤去握手就貴客自理
有得勸但無得迫, 順其自然就好




最後結果係點......容許筆者在此留白

有點侵犯私隱, 希望某blog友晤好介意

不如多加一句 : 本故事純屬虛構

會晤會好小小 ?

以上


( P.S. 硬係覺得篇文好肥浩style )