有乜好食

                昨日餐lunch約左個同事出街吃飯,都係老地方--茶餐廳!

                 一坐低,望下掛起o既餐牌......叉旦飯......就叫叉旦飯啦,不過落單個時都問問個阿姐:「的旦邊度架?」「晤係大陸架,白旦黎架....」咁都冇咁驚,最後叫左肥叉炒旦飯(肥叉好食o的,雞蛋炒過好似穩陣o的)

                望住電視o既新聞報告,講緊周一嶽......諗諗下,鴨蛋有事,雞蛋又有事,多寶魚又有事,星班又有事,蠔又有事,桂花魚都好似話有事,究竟食乜先至係最安全??(定係香港人越黎越怕死)

                返到公司,仲係好多野做(放完假番工跟住會好忙似乎係一個千古不變既定律),到四點開始,對住個電腦Mon不停入單(機又慢、單又多),人越黎越疲倦,眼皮越黎越重,但工作仍是要繼續......

                為左解除疲勞,收工後即去打機減減壓咯~~~~