黑夜之神再來

             一個星期前,已經訂定飛......

 

             估晤到個情況係......所有夜場都滿左八成,好難至搵到較後o既吉位,但都俾我搵到..........

 

              好耐未試過想入戲院睇第二次o既衝動,The Dark Knight有!

 

              約埋啟明一齊去MegaBox,睇IMAX巨幕版!!

 

             

 

              實在太厲害,超級大銀幕令我有番N年前入大戲院feel,畫面o既清晰同細緻度與高清差無幾,係睇得辛苦o的(因為雙眼用一個視點睇晤晒,要不停轉),但好爽(特別係360度旋轉鏡頭)!!!

 

              再一次懷念 Heath Ledger ~~

 

              散場已經係零晨十二點十分,仲要等的士出九龍灣站,o岩o岩趕到00:33尾班車番荃灣......

 

              XXXXXXXXXXXXXX

 

              

             [ 慘事一則] : 用左一年幾o既電話想同我說再見,又要去搵部0機價番黎........              

 

            

 (個"芒"攪成咁,換機係事在必行了)

 

動漫電玩節@2008

             咁o岩放到假,呢日(2號)可以早o的出灣仔............

 

             都係好多人,十一點九由鷹君中心排到入場,都要成半個鐘.......(預料之內)

 

             原本諗住會行好耐,但因為相機晤夠電,到四點半就要強行離場......

 

            

(o靚仔時的摯愛)

 

            

 (呢招年過30一定識)

 

            

(呢隻公仔竟然賣過三千!)

 

            

(有後生仔話個手辦似L)

 

                 睇靚女時間

            

           

           

            

 

           

               

           

           

 

           

           

            

           

 

            Cosplayer時間            

            

           

           

            

           

           

 

            最後,希望可以有個比會展更大,更寬敞既場館黎攪呢o的展覽,因為......好迫呀真係...............

有o的運

               話說有金多寶o個期六合彩,我好少錯過......呢期(29號)又有幾千萬,番緊工o個陣仲周圍提同事買.......

 

                到左收工,冇理由晤一齊發下個橫財夢架,急急腳去投注站.......

 

                平時我通常度四注六個字,廿蚊,頂多買兩張,今晚忽然心血來潮,想買複式!

 

                先拎張吉飛,睇住過往結果塊版,左度右度,寫好號碼再埋去篤篤機襟飛......

 

                買左八個字,都係一百四十蚊.......食完飯又晤想四圍騰,早o的番屋企.....

 

                順便睇埋攪珠,第一個.....7號,第二個......34號,晤係掛?

 

                o係o個幾秒內,有一種會中頭獎o既信心出黎,非常刺激,望實螢光幕眼都晤眨.......

 

                結果如下 :

 

                      

 

                 攪出黎o的號碼同我諗o既範圍非常接近,幾有眼光喎.....(當然係事後孔明)

 

                 不過,自己知自己係辛苦命,冇咁易嘆世界~~ 但都係有運仔,買百四贏二千二,剩袋二千一,都好好咯,呵呵呵!!!

書展＠2008

             一年一度o既書展我點會錯過,雖然我係少買書的一族......

 

             諗住星期五(25號)夜晚去會好o的,又可以行到十二點......但都係好多人,仲係越夜越多人,o係Hall 1有一兩行係塞住冇得郁,我直情覺得呼吸困難......

 

             o係晤可以埋去睇,埋去揀之下,買左呢幾樣 :

 

             

              (舊年原價$76冇買到,今年買番,$20)

 

             

              (因為會考題hit左出黎,梗要買套看門口啦,$67.50)

 

             

              (呢本揭勻晒先買,相靚,排版晤錯,最緊要有folder送,我lum個收銀妹先有得揀Jolin咋,$54.40)

 

             

              (今年出中國古代體育紀念封,加埋熊貓郵票,咁奧運feel,買!$80)

 

                  

                  (壓軸,當然係雙冠王曼聯咭仔,冇得玩都可以儲o者,$20)

 

 

              離開會展,搭巴士落旺角食韓燒,食完都未到一點鐘,仲有地鐵番屋企......到左月台,望一望周圍,乜咁樣o既?

 

              

              

 

              

 

　　　　(成個站都Welcome 2 Taiwan,有小小怪,晤知仲以為o係台灣添)

             

 

　　　 

               (不過見到Jolin,醒神晒!)

周星馳係o岩o既

               星期四(24號),收工搭Shuttle出旺角,去In's Point........

 

               事緣早前,有一本雜誌"電擊Arcade Card Game",最新一期大編報導新一輯WCCF,當時去雜誌鋪搵又晤見,搵書店經日本訂又話訂晤到,冇晒mood個陣係yahoo見有人賣,咪bit咯.......都知道貴左(980YEN bit到$160成交),但o係千金難買心頭好之下,殺！

 

                去In's Point之前,經過信和,又落去地庫行個圈.........晤係掛?竟然俾我見到呢本雜誌,仲係賣$130......即時有一個字想講,但諗深一層,如果我晤係出黎交收,就晤會行過信和;又如果我晤落去,咁就見晤到本雜誌.......              

 

　　　　都係星爺講得好,"樣野你越搵就越晤俾你搵到,你試下晤搵佢丫,又會浮番出黎....." [大內密探零零發]

 

　　　　終於,去In's Point拎左書之後,再落信和......買多一本

 

　　　　

 

             

              (有貼紙同咭簿送,nightwing你稍等啦)

 

              逛逛下,見到izzue減價(呢個係除左H&M之外,我第二大幫襯既brend),入去睇下啦......減價貨裡面仲加埋買夠三件再八折,又忍晤住.......

 

             

              (減價都有減價袋,型!)

 

             

($279->$170)

              

 ($279->$155)  

              

 ($300->$170)