高凶浩劫 Skyscraper

大隻佬THE ROCK(Dwayne Johnson)又來
在動作片巨星中, 他真的很紅
隨意數下:《末日困獸戰》,《沙灘拯救隊》,《逃出魔幻紀》等等
一套接一套慌死你睇晤厭似的

給我感覺就像幾十年前的史泰龍......

受筆者注目非為劇情

而是一眾演員來香港宣傳
加上THE ROCK走到荃灣做健身
貼地而親民

睇番個故事
老實說架構好有Die Hard(虎膽龍威)感覺

點知劇組真係出張咁的海報
明顯係向佢致敬

實際上當然拍晤住這套片王啦


故事大要 :

話說香港竟然可以起一座高科技大樓
仲成為全球最高的 -- The Pearl

男主角Will Sawyer是前FBI拯救隊成員
因一次行動失去左腳, 要靠義肢行走
受邀為大樓作保安評估

Will帶同家人來港,
包括太太Sarah(Neve Campbell飾)
筆者基本上仍停留在奪命狂呼時期
Neve演Sidney俾人追殺, 走來走去個驚樣
原來已經進化成人家妻子

加上他們一對子女, Henry與Georgia
兩位小朋友的演技未算突出

某夜大樓被人縱火
剛巧Sarah與子女在其中, 身陷困境

身處外圍, 逃過殺身之禍的Will
無故被插贓為罪魁禍首

為救家人, 被警察追捕也要設法返回大樓
Will更發現隱藏在內裡的秘密......


睇呢類型電影
真心不需太過理會劇情
知道導演+編劇係拍過"肌智同學會"的Rawson Marshall Thurber
對駁犯的情節也怡然接受了

重點係呢場, 關禮傑式跳入大樓
拍法會令人覺得是可以的

全套電影的重心落在大隻佬身上
睇佢如何一人力敵匪幫
以及用膠紙在外牆爬來爬去等

雖然中段有點轉折
不過既然係公式結局, 最後都會解決晒
過於單調的設計令反派變得渣咗


談談幾位配角

黃經漢演過好多華人角色
印象最深首推《蝙蝠俠黑夜之神》
被Batman從IFC(都在香港)挾走
今回不當壞人, 不過感覺沒甚變化

昆凌演背景不作交待的匪幫之一
作為杰倫嫂, 出場確是幾有型
但結局與Die Hard 4裡的Maggie Q差不多
三兩下就被擊倒

土生香港人文峰做番香港警察, 曾演出《寒戰》的他
可能拍西片太多, 脫不掉美式口音
用廣東話講"仆街"都晤係好仆街
但已經好過隔離個madam講 : 乜Q野呀 ~

雖然是一套公式動作劇情片
以香港做背景都加左分

戲裡面充斥好多廣東話
搭景跟得有七八成似
女人不是只穿旗袍, 維港不是只有帆船
已經是一大進步

街上的臨時演員穿著較大陸化
加上"那個"搜尋引擎出現令人失笑
都不影響整體的娛樂性

無需帶腦入場的電影
沒有悶場絕對合格有餘



以上