貞子vs伽椰子

筆者三月往日本時

已看到在六月上映的本片宣傳

本身蠻期待

始終是兩大(惡)女鬼的碰頭......


看過本片後

發現電影/影院網站的故事簡介, 內容有錯 !

在此先作修改 :

女大學生有里(山本美月 飾)因為要慳錢，諗住用二手錄影機就算。
點知錄影機入面，竟然附送舊錄影帶！佢嘅同學睇完，即接到午夜電話
之後有里開始追查呢個死亡傳說，仲搵埋靈媒師經藏(安藤政信 飾)幫手，
拆解呢個死亡詛咒，同學不久更離奇死亡！
另一方面，高中女生鈴花(玉城TINA 飾)同家人搬咗入曾經係佐伯家嘅對面，
從此怪事不斷發生，令佢極度恐慌，家人亦遭遇不幸，幸得經藏將鈴花救出。
於是，經藏與助手珠緒(菊地麻衣 飾)、有里、鈴花，一齊捉鬼四人行；
仲諗出絕世好橋，實行以毒攻毒，
利用貞子對付伽椰子，然後佢哋再出手消滅剩下嘅鬼后！
究竟最後係佢哋捉鬼？定係鬼捉佢哋？

( 下文儘量小劇透 )


今次crossover, 由恐怖片變成笑片

源於中文字幕, 加插大量口語和港式潮語

如: "應該係, 除非晤係" "晤好打面"之類

氣氛一下子變得輕鬆

平心而論, 本片製作很認真

故事氣氛音效儘量與舊作睇齊

將對白直譯可能較悶, 才轉為這種方式

像日版"攪乜鬼奪命習作",

不算夾硬, 真係幾好笑.......

劇情偏重於貞子那邊 (超能力者較普通婦人搶鏡乎?)

關於詛咒錄影帶的篇幅較多

舊版要七日才死, 今集改成兩日

或許要加快節奏吧

既然重心是兩隻女鬼

也不期望女主角之一的山本美月有發揮機會

演大學教授森重的甲本雅裕更不值一提

因為很快就掛掉

反而演同學的佐津川愛美

由拒絕看錄影帶, 到受詛咒後的心理變化

演得很到位 (當然也拜拜了)

另一女主角玉城TINA戲份較小

說對白生硬, 表情欠奉

不知為何上學時直髮, 放學後變咗冬菇頭

想到她只是個花瓶, 就算了

安藤政信+菊地麻衣

一個懂法力, 另一個可感應靈體

原本呢對組合係幾型

可惜因為晤係主角, 最後都要.......


片末的女鬼對決, 太過快且短

加上二人沒對白交流(笑), 可說有點嘥料

結局有點CULT CULT地之餘

亦有暗示拍續集的可能

假設有的話, 希望繼續由白石導演掌舵啦




本片有小小驚, 不過好好笑

若想忠於原作的blog友可能會失望

要評分的話

作為劇情/恐怖片, 值60分
作為笑片, 值80分

起碼要比幾年前那套貞子3D似樣

雖然這齣有點惡搞成分

再補多一句 : 聖飢魔II的ending song好正 !!


溫馨提示, 此片有彩蛋
完場時請看到最後

以上