少林少女

　　　　　星期二(3號),收工,行出門口之際......嘩! 36D(豪雨)....又晤想拎遮,唯有經商場過去荃灣站,搭車出旺角......

 

                    入閘前,有的肚餓,o係pie & tart買件鮮奶撻頂住先......

 

                    到左朗豪坊,見出面仲係34C(大雨),兼且要等人,用部ipod touch上網打發o的時間,順便睇下女仔......(商場內真係好多人)

 

　　　　　阿宏差晤多八點至到,o係我懶得趕o既情況下,決定睇十點o個場!!行去UA買定飛.....跟住過sport corner睇衫......之後去4F簡單廚房吃野.......

 

                    夠鐘入場,再整份爆谷＋Volvic,睇呢一套－－

 

　　　　　　

                    

                      原本係冇乜期望,諗住睇一套有特技有笑料o既劇情片,輕鬆下就OK,殊不知.......

 

                      "睇完都晤知佢想點"散場時其中一位觀眾既對白,亦係我o既心聲,真係睇晤明......

 

                      個劇情係越講越冇劇情,越後越晤交待,我剩係記得 :

 

                      有o的似少林足球,又有o的似功夫；有o的似冬蔭功,又有o的似女拳霸；有o的似死亡遊戲,又有o的似星戰......總之就係一煲炒雜錦,放左好多料落去,但o岩晤o岩你口味又係另一回事咯......

 

                      張雨綺個角式比CJ7討好好多,佢都做得晤錯,田雞同肥仔聰一貫插科打諢,全無難度,柴崎幸打得幾好睇......至於其他演員,我估佢地都晤知自己做緊乜......            

　　　　　　有部份精彩片段,竟然o係roll字幕先黎.......難明!!

 

                        好耐未有一套睇完會令我頭痛o既電影,佢做到了......