睇鐵甲奇俠之日,就是曼聯捧盃之時

             星期日(11號),今日係英超煞科日,支持愛隊,當然要著件戰衣出門......

 

                

 

             去Elements,行H&M......見到有特價衫,買左呢件,盛惠$99.50

 

　　　　

 (冇睇size就買,係xs...要迫自己操fit)

 

　　　　俾錢o個陣,冷不防個男staff問我: 今晚點睇呀?

                我定左半秒,個男staff望一望我件衫,明晒....我答: 無得諗,一定贏!

               

                跟住行左去HMV,睇緊碟之際,距離我五步有個男仔行埋黎,問我: 晤好意思,請問今晚幾點踢?......我答: 10點!

               

                 原來,足球可以影響好多人,尢其係曼聯!!

 

                 等等下,阿宏條衰仔六點十至出到黎(喂,場戲開七點四喎).......好趕,又係麥記賺我錢o既好機會.......

 

                 又行左十分鐘,去到The Grand Cinema,號稱全球首間「超體感」影院,破天荒裝置「Infrasonic系統」- 由音響系統配合全港獨有特別設計的「震動」影院座位，當座位感應人耳不能聽到、影片音效中的超低音頻 (Infrasound)時，座位便隨即產生震動，讓觀眾以身體感受最前所未有的完美影院音效.......梗係要搵呢套試下                

                  

               果然,同個簡介所寫差無幾,o的震動音效幾得,總而言之......有動作特技o既電影一定要黎呢間睇!

 

               講番套戲,三個字--直.順.爆

 

               故事簡單直接,流程暢順,冇多餘支節、冗長對白,再加上動作/爆炸場面,構成呢套100%娛樂性猛片!(又係DVD,Blue-ray試機碟之一)

 

               散場後,已經係九點半,又要趕番出去佐敦道o個邊搵地方睇波,阿宏話搵車搭要等晤知幾耐.......卒之,兩條友由圓方行去吳松街,氣都喘埋~~

 

               係一間叫"熊啤啤"o既酒吧落腳......咦?晤係播now台?晤理勒,有得睇曼聯vs韋根就得.......

 

                戰果如我所料......SURE WIN !! C朗開齋,傑斯埋齋,Perfect Match !!

 

                先嬴英超,再取歐冠,咁就.....YEAH YEAH YEAH ~ ~

 

                 

                 (圖中兩名曼聯球迷開心到好似中頭獎咁o既樣)