拆利是@2009

             估晤到自己停左咁耐至寫番Blog......

 

             可能係冇時間,又可能個人冇精神,又可能係上facebook多左,post相多左搞到寫晤到Blog......

 

              死火!仲要俾籍口自己,晤得晤得晤得......

 

              終於,拆左今年o的利是......已經晤會積極地去逗,兼且好多朋友都約晤到出黎見面,再加上金融海潚之下,搭搭埋埋都有二千零蚊,算幾好架......

 

              再計一計,我今年派o既利是都小左......鬼叫份bonus得咁....多咩~~

 

              更估晤到竟然o係Uwants有回響,晤知邊個寫,不過幾好笑......

 

              http://www.uwants.com/redirect.php?tid=7538939&goto=newpost

 

              剩番o既錢通通要留低,積金防飢.......................

共勉之

             很快的,一年又過去了

 

             若不是在記事簿寫下,也不知自己忙個甚麼

 

             單身不孤獨,沒朋友撐住才孤獨

 

             還好,我有些在苦惱中會幫忙的好朋友

 

             伴侶?隨緣吧,分後再婚的故事,是騙人,還是騙自己?

 

             寧缺勿濫

 

             每年期待的一天終於來到,看信裡寫了多少?

 

             與自己估計相若,但相比同部門的同事,算偏低了

 

             有少許失落,始終......對自己的價值,絕對不止此數

 

             沒有期望,自不會失望

 

             知足常樂

 

             說過,今年是要改變的一年

 

             正慢慢地調整中,由內到外,一步步來

 

             多休養生息,小無謂廢話;多連絡溝通,小煙酒縱慾

 

             小賭怡情,大賭不成

 

             讓缺點離開,不再與它為鄰

 

             重新整理自己

賣飛佛

             C.C. Lemon 係我至愛之一,好多朋友都知,但,以前要14~15蚊買一支水貨,都幾甘下,仲要晤係周街有得賣........

 

             好彩,七仔終於引入行貨,兼且.......

            

             ( 減完 )

 

              

               ( 再減 )

 

               It's really GOOD !!

容疑者X之獻身

                         

 

                         遲講好過晤講...............(其實12月尾已經睇左)

 

                         睇完電視版,睇埋special,冇理由晤睇電影版........

 

                         劇情鋪排幾細緻,佈局晤錯(一個完美o既不在場証據),演員更加晤駛講,福山雅治+堤真一+松雪泰子邊有得彈......

 

                         但,柴崎幸變左大茄真係始料不及,內海薰同湯川學感情交流好表面,弓削sir更係閃一閃就晤見左.........

 

                         最令我失望,就係伽利略周街寫formula既名場面,竟然係零!!!

 

                         算吧~ 以戲論戲係晤錯o既......

由平安夜到聖誕

             12月24日,凍......

 

              日間仍然忙碌中......晏晝自己部門開party,但係要delay,一點半至開始......

 

              食左一陣......番自己office做一陣野......等到FC番黎,又上番去抽獎.......

              

               ( 本來抽中盒朱古力,但有位兄弟拎set毛巾套裝同我換,又好!)

 

               收工番屋企.....食過飯後,有o的眼訓,就彈左上床.....差晤多十二點訓醒,係咁咦倒數十聲,又聖誕了......

 

               睇左一陣電視,都冇乜特別節目.......諗起錄起左o既"神探伽利略"(當然係高清版),仲有5集未睇,又煲煲佢先.......

               

                都係睇得3集!剩番第9同第10章.......同埋第0章上編!!

 

                今年好似過得悶o的,但真係冇乜mood出街,難道係......中年危機??                           

              

                其實,我有好多野未處理,例如有好多VCD同DVD未睇,兼且......

               

                ( 衣櫃對出有成堆未執 )

 

               

                ( 仲有成床垃雜野......有排攪 )