原來Monday可以這樣過

             3月10日,收左工,諗緊做乜好...........

 

             行過仁濟後面條街,去五金鋪搵一隻Yale o既鎖(公司的雪櫃用),但冇貨..........由沙咀道行到近大會堂,有個叫荃新天地既商場,入去逛下........係有好多名鋪租左,但衰在仲未營業咯..........

            

 

             再行過o的,去荃灣廣場,入面有一邊仲裝修緊,feel到肚餓,本來想去Charlie Brown Cafe,但呢間分店比較細間,最後都揀左有開放式坐位既麥記!因為有個位對住播緊"貝托武夫"既影碟鋪,仲可以用埋coupon...........

              

 

             咬緊個板燒雞腿飽之際,阿儀call,話約左Vivian係呢頭飲野傾計...........攪到我杯可樂飲得一半...............

 

             飽飽地沿天橋行番去大河道,地點o係華潤附近個間Upstair Cafe,坐低吹一吹(水)........原來Vivian轉左分寫字樓工,準時收工仲成日有得試菜(因為係飲食集團),非常之令人羨慕,八封問下仲請晤請人啦........係請,不過要後生仔.................

 

              傾傾下,蕃薯call,不停咁講日頭番九香o既趣事..........但時間有限,要截一截佢,夜o的再繼續,因為要趕o係九點半番到屋企,睇明珠台播o既"螢之光",所以,要阿儀自己返家了..........

          

一年一次gathering

              3月2日(星期日),照常地訓到好晏.......

 

              俾電視機聲嘈醒,起身睇睇,原來係肥姐o既追思會直播.......最激當然係鄧光榮上台...............

 

              5點鐘左右出門口,早o的搭車入屯門,o係吉之島行一陣........

 

              7點半,call Emmy,問佢麥記點去(因為約左個處等),搵搵下,行左去McCafe,終於要佢搵番我轉頭.........

 

              到左仲有Kenix,Connie,Gary,Paul,Jurgen同最姍姍來遲o既Yvonne !

 

              行左去附近地鋪大排檔食小菜(但上左樓上),野食ok,又晤貴,但問題o係隔離檯,o的阿嬸又泵地又大聲講粗口,後尾仲玩股盎,呢處酒吧定K房呀老細?

             

  (八個人,咁多手?)

 

              快速地埋單,過屯門時代廣場入面間滿記食糖水,好多人等,亦有好多人招呼........我即時搵o的伙計幫手影相..........

              

     (  4....)

              

     ( +4....)

              

    ( = 8 )

              

               點解panda同事聚舊要一年一次?            

 

               活動結束,并不代表我既活動完結,再出發去旺角睇波了....................

何苦?

             2月29日,四年一度o既日子,我只係覺得......今年番多左一日工!

 

             夜晚,Claire約左o係旺角食飯,早左出黎,自己過信和行一陣,忍晤住手,買左ALIENS同SPEED o既sp edition DVD...............

     

             

             8點45分,落番地鐵站,阿Bob,Henry,阿儀同佢個fd & 佢條仔,加埋Claire同Rachel,先去左女人街一間名為和井食鐵板燒,野食就一般,不過一路食一路睇"最美麗的第七天",又幾鬼攪笑喎,可能晤係集集睇啦.........青芒同老表隨後又到埋.......

 

             食完正餐,跟住去搵甜品........行下行下見到甜品哥哥喎,即刻坐低柯打,晤知係咪身痕,爭住埋單,仲成班人o係門口影相潻.......(仲未收到)

 

             個陣差晤多十二點,Rachel要番屋企,無厘頭地成班人送左佢去搭車,之後呢?上左間樓上cafe, 叫Sense o既,又飲野兼吹水食煙咁..........其間圍住Claire同佢bf o既事黎傾,我仲問左條晤應該問o既問題....................

 

             傾到間鋪打烊,兩點半行番落街,原來佢地仲未想吹雞完場........有人話去唱K,有另一個人同我講: 你聽日要番工喎,頂晤順就晤好o勒.......明知我晤受得激架麻,梗係答: 冇問題啦,駛怕你!

 

              就係咁,過左去Neway,唱K玩骰盅,仲要臨尾俾人隊左幾杯啤酒,天就光個陣烏烏下同阿Bob,Henry,Claire,青芒一齊搭小巴番荃灣.......架車係咁"鄧",咁就出事o勒,捱到大窩口已經捱晤住,衝左落車嘔~~~

 

              唉,羅苦黎辛..........

利是

            昨(26日)晚,比較得閒,終於可以拆利是............

 

            成疊一路拆一路睇下邊個封(部分我有mark低),今年普遍都幾闊綽,十蚊利是極少........

 

            習慣將紙幣先分類再數........數目最多當然係廿蚊,跟住到十蚊,然後係一百,五十蚊竟然收得最少??

 

            $100x13+$50x7+$20x43+$10x19.........

 

            總數 =  $2700

 

            好似幾好,但其實我封利是都用左二千零蚊(主要係俾的蛇仔蛇女,其次係朋友o的仔女),算打個和執小小咁啦..........

 

            錢使左冇所謂,反而的朋友or同事派完利是,跟住問: 「幾時到你呀?」「o拿下年你要派啦o下」.......都晤知答好定晤答好,你估結婚好似買棵菜咁簡單咩??

 

             又可能,規矩上收利是o個個係需要答問題o既..........

 

             今年keep左好多"吉"既利是封,可以留番下年用,環保o的!    

送豬迎鼠

　         好耐冇寫blog了.........................

 

             對上幾個星期,可以用混亂黎形容.......番工好忙,收工後更忙.........

 

             先係連續第三個禮拜六(2/2)打通宵麻雀,番到屋企又繼續打麻雀,到(2/3)夜晚出番太子百利海鮮火鍋,同蛇仔蛇女團年,食左三千幾.........Bonus終於o係(2/5)出左,有2.75,比舊年算好好多,但比起尖咀四五星o既就.....夜晚同阿儀睇我偶像o既戲長江七號,好失望......今年編自己由年初一放到初四,都好多年未試過.........年三十(2/6),同金融/ii/Kitty/阿儀&佢個fd Angela去花墟行花市,又凍又落雨又逼,行得好狼狽............初三(2/9)同阿傑、阿鬼入馬場,直落輸足七場後o係第八場復活!仲係收過千!!多謝黎海榮..........夜晚即同阿傑上深圳,泵骨兼睇波,佢帶我去o個間昇逸水療,價錢晤平但勝在晤多客,仲有XBOX360同Wii玩添............初四(2/10)下晝番落黎,出尖咀shopping,買CD買冷衫買禮物買玩具,食完野番屋企,睇64台,阿鵬竟然係直播中當眾向Wendy求婚,大震撼!!..............初五(2/11)又係九香一年一度既宴會部春茗,我條線共有十兄弟到場,都有4個人抽中獎,百分比出奇地高,完埸後拉大隊落旺角登打士街Green Box (仲有阿寶同Elaine),唱K唱通頂........到初九(2/15),下晝o係公司feel到晤妥(頭重重又沾寒沾凍),收工即睇醫生,38.2度,領野了.........星期六(2/16)開左半日工,下晝番屋企抖一抖,再番香記1900~2330,跟住落新君豪睇足總盃,曼聯大炒阿仙奴4:0 !繼續睇波到六點,o係(2/17)早上,已經有港鐵搭,過柏寧番0700~1600,做渣打馬拉松buffet,晤多野做但要枕住企.......到12點,條腰開始痛,但都死頂,頂,頂!!到收工,已經好很痛,落地鐵仲要搭番去中環先,有位坐先可以捱到番屋企.......買左兩場馬之後訓左陣,差晤多八點醒,磨到八點半至出到門口,因為約左阿滔兩公婆吃飯,順便見下佢個寶貝女琬濙,果然得意又趣緻,抵我送份腳踏鋼琴毯+利是一封俾佢咯...............

 

                至於o個個xx希,無謂提啦~~