等待

                 
      

            有冇呢?幾時有?

 

             差不多係近日必諗o既題目.......

 

             講既,係Bonus咯!

 

             有o的公司出左,亦有o的朋友出左,但我公司呢.............

 

             提都冇提,好似當冇事發生咁......

 

             當然,應該有o既(我估),不過,由你自己諗下等下咯(公司角度)......

 

             又令我日日俾人問(做會計部實知架咩).....

 

             希望早o的有消息啦            

往帝都一遊

　　　　 星期六晚(12號),收工,行去千色店對面等巴士......

 

                48X,入沙田,到新城市廣場,跟阿儀番帝都酒店炒散.......

 

                換過衫去飯堂,個檔同的野食真係......(下刪三個字)

 

　　　　 番２樓帝都軒,經過廚房,哈!撞番阿財哥、牛哥等(熊貓舊同事)........

 

                樓面又有o的工友認得,又見到Alan仔,當然,仲有冼生啦(中菜部渣fit人)

 

　　　　 做細房５圍,係日本公司annuel dinner,OK啦........(o的長工幾nice)

 

                23:30收工,行去保安部出糧,又有Cash............

 

                兩條友走去搭火車,o係月台,講講下笑,條友摑左我一巴,即流牙血.......

 

                慶慶地(條友呢排好鍾意郁手郁腳),晤x同佢一齊,我搭下一班車......

 

                出旺角,過新君豪,睇曼聯vs紐卡素,上半場射極都晤入......

 

                下半場,黎料!! C朗o既罰球,射過人牆,先開紀錄,YeaH...........

 

                 贏到三比零,走人,番屋企了......(最後比數>>６:０)

劉華演唱會,好睇!

            佢,永遠冇令我失望！

 

            佢,係大眾o既偶像, 勤力o既典範.......

 

　　　 佢,係劉德華!

 

            

 

            睇佢o既concert好幾次......今年呢個都冇諗過有得睇(撲飛o既情況太嚴重,連劉華老豆都為o的飛同個仔嘈)......

 

            我先係呢處多謝劉華資深歌迷暨州際酒店要員--Wison ,好彩有你!

 

            今年華仔演唱會,依然保持熱鬧,機關比上一次仲多,舞台變得窄左,相對黎講觀眾睇劉華又可以近o的.......

 

            華仔瞭解入場觀眾o既需要,唱歌+跳舞係基本,再加上放電、百老匯式歌舞、魔術、雜耍,你點可以晤俾番的掌聲、叫聲、喝采聲俾佢?

 

            至驚喜可算係Andox同黑仔兩隻吉祥物表演呢part,又好笑又精彩!!

 

            晤知點解,睇住華仔唱歌好鬼有感觸,成晚眼濕左幾次(中伏位: 如果我有事,十七歲)........

 

             好在我睇尾二個場(4號),如果係最尾場我一定喊到滿面淚水.......

          

             正正正!!! 多謝你,華仔!

梳打與我碰見在二零零八

　　　　十二月三十一,一個人o係屋企倒數,陪伴我o既,只有五蚊腸粉加一碗豆腐花,好dry.............

 

                踏入二零零八元旦,點都要搵番個靚女陪伴左右＞＞＞

　　　　　　　　　　　　

 

　　 　

　　　  ( JJ : 咦?你咪荃灣之虎......痛苦o個個苦!)

             ( 咁你都知?)

 

             

             ( JJ : 咁如果我o係你隔離呢?）

             ( 當堂開心晒,個樣仲即刻靚仔番添!)

 

             [ 以上全屬設計對白,希望JJ晤好介意]

 

              今次梳打係黎出席商場o既活動,內容當然離晤開食啦.......雖然佢來去蔥蔥,但見佢都幾nice,最緊要係笑容,非常之甜!!(做服務行業o既應該學下)

 

                Hahahaaaaaaaa...................開心～

送別後,回到現實

              星期六晚,炒完散再去睇波,又攪到好晏先訓,到星期日(30號),訓到成點半至起身........

 

              洗頭沖涼後........成個醒晒,編定黎緊個禮拜o的柯打,call阿儀,佢話o係旺角等喎........

 

              換左黑衫黑褲,掛條頸巾,揹個袋,出門口.......(14:50)

 

              搭地鐵......出到去,見仲有時間,行左去黑布街間南豐茶餐廳食的o野先......食到一半,阿儀call,話齊人喎,我又拿拿聲埋尾兼埋單.........

 

              行過去兆萬,會合埋阿恆、細明、雋雋,仲有o個件野,搭車過紅磡,再行去--萬國,去見一個人........

 

             " 司徒,希望你安息,o係另一個世界快樂o的,晤好鑽牛角尖啦~ "

 

              五點半離開,我送埋阿雋過九香,跟住自己走去漢口道HMV......終於俾我搵到

 

             

 

              因為有.......

 

              

 

              裡面有........

          

                

                                   

 

                搭地鐵走人.......o係大窩口站落車,番熊貓!(19:45)

 

                做埋星期六剩落o既手尾(若果留番禮拜一,肯定趕死)......八點零,Claire找我,話星期三去小肥羊食飯,同阿珊w/老表慶祝生日咁話........

 

                到十點半,撇......行行下feel到肚餓(係喎,晚餐都未食),經過麥記買份開心樂園餐拎走,番屋企慢慢嘆,仲有呢隻,送o既!