又一個衝擊

昨日是假期前的工作天
工作比較忙

但阻不了我爭取睇SHOWROOM的時間
(請不要問是如何做到的)


先解釋一下
今屆總選與Showroom合作
讓參選成員有個人的video live chat
作宣傳及拉票作用

好多成員都預備有趣的內容~~
加上可以留言, 投票同俾星,
飯好易會中毒

剛巧兒玉開左房(chat room)
咪入去睇下......

千尋都喺度...  我好興奮呀!!
之後佢穿梭不同成員的房

千尋everywhere ~~~
也証實了, Team H原是一個家

之後筆者當然要返回工作 (笑)


夜晚是Team H公演
奇怪地公司某地方電腦嘅flash有問題
未睇到一半就放棄了, 跟著吃飯回家.....

不久, 勸敗團友傳來訊息


公演最後的宣佈
千尋要卒業了

明明下午玩得好開心的伙伴
一個二個都哭了

前年年中多睇公演
睇睇下就鍾意左呢個女仔

除左隊長身份
公演曲，MC等等都展現出成熟感
但間中又蠢得好可愛

去日本握手，佢來港又去簽名會
當睇過公演的香港巡演
只差無同千尋合照

都係嗰句，有機會就要去見見成員
晤好諗：遲啲先算啦

時間係晤等人，過左只能後悔


營運已公佈
千尋的公演和event到七月尾完結
八月就會去外國留學

誠然，有目標去實踐是件好事
又一個推要離隊
都係晤捨得

老實說，未能在福岡睇場公演係遺憾

祝福即將離隊的大top隊長
到外地完成課程，順便學好啲英文啦
有時間咪學下廣東話
以後工作需要都多張刀傍身
( 你來香港玩，要我招呼無任歡迎 )


以上