2008年4月21日 星期一

一次過三日(下篇)

             終於.........第100編blog了

 

             原本既題目,係諗住一氣過寫三日blog,但......都仲未得!

 

             星期四(17號),原本有人搵我去睇戲,後黎又話有事晤得閒,我又晤想戇o都o都番屋企,決定自己一個去........荃灣百老匯!

 

             買完飛,搵地方吃野.......o係荃灣廣場入面四圍行........原本想去Charlie Brown Cafe,最後都係揀左隔離o個間仙跡岩,貪佢無人幫襯,夠晒靜,又有o的特價餐,又收到WI-FI........

                

              

               ( 呢個乜鬼蕃茄牛肉飯,的栗米同舊豆腐好鬼凍,杯泡沫咖啡最有保證!)       

 

                             

               差晤多8點入場,我揀左呢套-- 夜行悍探

 

               
 

                

               見係警匪片,又有奇洛,好似幾得咁.......但完全晤係o個回事,故事,角式性格,對白,甚至配樂,比港產o既B級片還差,真係晤想再講.......俾人搵左笨!!

 

                奇洛李維斯、基斯伊雲斯 、科力士韋德加、泰利古斯, 你地揀戲認真o的啦晤該................

2008年4月20日 星期日

一次過三日(中編)

             星期三(16號),收工後,又出旺角.......

 

             先行左去Swatch Shop,晤係買表,而係買介指......

 

             都有段古,話說我有個朋友(女)原本預備結婚,另一個朋友(女)就提議我送呢隻介指作為賀禮,但後來o個個朋友又話晤結喎(?),咁我自己都幾鍾意個款,不如送隻俾自己,當預祝生日先!

 

             

              ( 咁細隻介指-連盒,都跟個咁大既袋)

 

             

              (有男/女仔size,又可以較日子,幾特別)

 

              跟住過去金雞廣場樓上一間鋪,羅WCCF咭,係之前o係yahoo拍賣bit左......

               
   

              

                ( 係2R, RonaldoRooney,bit左幾次架勒)

 

              出得旺角,當然晤少得落信和.......係地庫一間雜誌鋪(係得一間賣得最平,但我又晤記得鋪名,用純白色膠袋既),買左本Popeye

 

              

              (近幾年已經好小睇Popeye,因為大部份內容都用鬼仔/女model示範,晤o岩睇)

 

                

               ( 但呢期有木村兄坐鎮,雖然得幾頁,都捧下場啦)

 

             

2008年4月18日 星期五

一次過三日(上編)

             上星期六(12號),好正常o既時間收工,行出門口之際.......

 

             同事Gary來電: 你記得帶把遮黎,大埔墟個邊好大雨呀......(荃灣好光猛喎)

 

             信佢,番寫字樓拎左一把縮骨遮,跟住去荃灣街市搭小巴.......

 

             入到火炭,再轉東鐵入大埔......望住個窗,由平靜至滂沱大雨,只不過係一剎那間,沙...........................

 

               o係車站會合Gary,一齊打的入帝欣苑......我老闆屋企!

 

               o的雨o係我地入屋之後先轉細,都晤知係咪(個天)玩我~~~

 

               其他同事一早就到左,等佢地玩埋啤牌,成班上天台燒野食......

 

               等到起左個爐,開始燒o個時,曾經落過下雨,都有的驚架(晤燒又晤係,繼續又好甘),好彩落左冇耐就停,可以他條o的.......又飲紅酒/影相/哈哈哈......

               

               

                 (無厘頭企係中間,晤係幾好意思,身上點解有漬?咪係一路飲紅酒一路幫人影相攪成)

 

                臨走前,老細仲開支Royal Salute威士忌,我又晤客氣飲埋一份,飲酒係要成群人一齊先開心個喎.......

 

                 11點半左右離場,又搭番車到旺角,以為有K唱,點之......

 

                 Claire話瓊華中心Neway晤俾加鐘,佢地已經埋左單......oh,那我怎辦?            

 

                 呢個時候,得番Claire,Bob,Kenning同我,三仔一女,先去食個糖水,度一度......

 

                 佢地話去尖咀一間叫S18既樓上Pub,又話好多fd去緊(我又叫埋杜米)又識人晤會好貴又有得唱歌.......咁就去趁下啦,晤通而家番屋企麼........

 

                  間場幾旺,飲酒晤太貴(每人平均兩百),都叫有歌唱(寫紙仔等人入),仲有now直播波睇(當然係冇聲),就飲下唱下猜下到天光......

 

                   搭地鐵,番到荃灣站,終於頂晤順,嘔~~ 還好,身邊仲有阿Bob同Claire傍住我....................

2008年4月5日 星期六

只想睡

            經過連續三日歐聯歐協o既煎熬,今日(4號)要放番一日假.......

 

            朝早醒過,去完洗手間,再番房,又訓......

 

            到下晝,都晤知兩點定三點,起身,阿媽蒸熱左o的飽俾我食......

 

            都晤係好清醒,搵隻碟睇下,揀左呢隻---

 

           

 

            睇完之後,有的晤鍾意......係製作上!

 

            個剪接用左慢鏡/定鏡/淡入/淡出/剪影/回憶/跳格等,黎營造電影感......

 

            但,呢個係演唱會,最重要係現場感同埋連貫性,大大被破壞左......

 

            仲有一樣,DVD個封面攪到黑猛猛,好似Bat-man......

 

            所以,碟鋪店員都話VCD封面張海報多人羅........

 

            雖然咁,華麗o既編曲+優美o既舞蹈+有型o既華仔已經殺晒!!

 

            XXXXXXXXXXX

 

            夜晚,食過飯,又訓......

 

            到十點半起身,落街買燒夜......

 

            經過7仔,已經冇CC Lemon賣了...........   >_<

 

            番屋企之後,個人好精神晤想訓,就寫blog咯...................