2008年3月26日 星期三

兩樣心頭好

   佢,終於重現便利店!

 

   經過些粉,一見到佢,即刻買兩支先!!

           

            曾經係百佳見過,但好快又晤見左,今次再現,晤知會賣幾耐(暫時晤駛去City Super或者日本百貨搵)...............

 

             同時,係尋晚(25號),阿祺幫我買左部 ipod touch.........

             

 

             仲幫我裝左o的野,但好多function都晤知點用,要買參考書睇........

    
 

 

    今年o既利是就咁奉獻出去了............

2008年3月23日 星期日

圓方@2H

             星期五(21號)晚,收工後想行下街,就過左去Elements.......

 

             一來未去過,聽人講好大又多shop;二來o係九龍站,搭車近又方便.......

 

             到喇.......地方係好大,店舖集中o係兩層樓,分五個區(金木水火土),如果晤睇guide,由一頭行到一尾都幾遠架......逛下逛下,見到一間名店

             

 

              兼且,原來呢間分店,有男裝部!!(朗豪坊o個間冇架)

               

 

              傻左咁衝入去,不停睇不停試,卒之.......一次過買4件衫(可惜揀o岩條灰色西褲但又冇size,有o的遺憾)

             

 

               再睇下本shopping guide,咦?又有我另一"飛佛"鋪--

              

 

               即刻過去朝聖一下,又俾我搵到好野.......

               
 ( 3隻新歌+3隻MV,$85 )

 


               行完兩間鋪,已經係十點,乜時間過得咁快??我仲未食飯喎,都係番荃灣先......

 

               搭車途中,諗起係HMV裡面,個staff姐姐o既對白: 我今晚又要食足三兩......

 

               就係咁,我的晚餐暨燒夜順理成章地.......Mcdonalds                

              

 

               拎起上黎係幾重手,包住兩塊厚牛+兩片芝士,非常高卡!!

               

             

               係巨無霸o既1.5倍,好飽,真係好飽...........               

2008年3月18日 星期二

好短呀~~

    今日(17日)收工,想去剪頭髮.............

 

                行行下,有o的肚餓,過左去荃新天地入面間Mos Burger,叫個莫斯芝士漢堡+凍Latte既set, 食過幾次都係覺得麻麻地,可能係口感問題啦........

                 

 

                  晤知點解,叫o的師傅修一修,佢地硬係會同我剪短..........呢次又剪到好短.........都可以接受o既,睇下我個樣就明............

                 

 

                  番到屋企,慣性轉去睇有線新聞台,有好baby fat o既黃沛然.........

                 

    

     同埋,全新聞台至正既---曾美華,Oh~ 偶像

                  

2008年3月17日 星期一

尖咀四圍走

             星期六,依然係好早訓(即係禮拜凌晨,朝早嘛)........

 

             星期日(16號),點零鐘起身,約左阿傑出尖咀,食lunch(或tea)兼且睇/賭馬....因為今日係大賽日(三冠短途尾關+打呲大賽),馬迷期待o既對決!!

 

              去左寶勒巷豪發打躉,一路食一路睇........恭喜好爸爸同埋喜蓮福星!

 

              後來,阿儀又出黎,一齊去加拿芬廣場拎部printer(係續約有線o既贈品,應承送俾佢)........估晤到都幾大部下,要用尼龍繩綁好至拎走.........更估晤到既係,佢竟然羅住去打機........

 

               睇完馬,同阿傑打左一陣機(佢打Virtua Striker 4越來越渣),之後,佢去搭車番大陸,我就開始[一人之四圍遊]........

 

                

                海運大廈正門電梯隔離的廣告牌,好型!

 

 

               

                LV新鋪,有一種好驚{grand}既感覺,名牌即係名牌

 

 

                

                呢本o係HMV買,因為我都係占士邦fans(由細睇到大架),呢期有廿幾個晤同封面,我揀左"鐵金剛勇破海底城"呢款

 

 

               

                呢本o係PAGE ONE買,A4大小,圖文並戍,256頁,都係賣$43,點解對孫子兵法有興趣?全因為一隻馬名,由其中一篇而黎......

 

 

               

                就係十則圍之o勒

 

 

                

                 最興奮的,係o係HONG KONG RECORD搵到佢,自從12號睇太陽報登左其中一幅相,我不停去報攤/便利店/書店搵呢本台灣版雜誌,但係都見晤到..........

 

 

                

                因為Jolin, 因為呢張令男人睇到熱血沸騰o既相,我終於得到了

2008年3月12日 星期三

原來Monday可以這樣過

             3月10日,收左工,諗緊做乜好...........

 

             行過仁濟後面條街,去五金鋪搵一隻Yale o既鎖(公司的雪櫃用),但冇貨..........由沙咀道行到近大會堂,有個叫荃新天地既商場,入去逛下........係有好多名鋪租左,但衰在仲未營業咯..........

            

 

             再行過o的,去荃灣廣場,入面有一邊仲裝修緊,feel到肚餓,本來想去Charlie Brown Cafe,但呢間分店比較細間,最後都揀左有開放式坐位既麥記!因為有個位對住播緊"貝托武夫"既影碟鋪,仲可以用埋coupon...........

              

 

             咬緊個板燒雞腿飽之際,阿儀call,話約左Vivian係呢頭飲野傾計...........攪到我杯可樂飲得一半...............

 

             飽飽地沿天橋行番去大河道,地點o係華潤附近個間Upstair Cafe,坐低吹一吹(水)........原來Vivian轉左分寫字樓工,準時收工仲成日有得試菜(因為係飲食集團),非常之令人羨慕,八封問下仲請晤請人啦........係請,不過要後生仔.................

 

              傾傾下,蕃薯call,不停咁講日頭番九香o既趣事..........但時間有限,要截一截佢,夜o的再繼續,因為要趕o係九點半番到屋企,睇明珠台播o既"螢之光",所以,要阿儀自己返家了..........

          

2008年3月6日 星期四

一年一次gathering

              3月2日(星期日),照常地訓到好晏.......

 

              俾電視機聲嘈醒,起身睇睇,原來係肥姐o既追思會直播.......最激當然係鄧光榮上台...............

 

              5點鐘左右出門口,早o的搭車入屯門,o係吉之島行一陣........

 

              7點半,call Emmy,問佢麥記點去(因為約左個處等),搵搵下,行左去McCafe,終於要佢搵番我轉頭.........

 

              到左仲有Kenix,Connie,Gary,Paul,Jurgen同最姍姍來遲o既Yvonne !

 

              行左去附近地鋪大排檔食小菜(但上左樓上),野食ok,又晤貴,但問題o係隔離檯,o的阿嬸又泵地又大聲講粗口,後尾仲玩股盎,呢處酒吧定K房呀老細?

             
  (八個人,咁多手?)

 

              快速地埋單,過屯門時代廣場入面間滿記食糖水,好多人等,亦有好多人招呼........我即時搵o的伙計幫手影相..........

              
     (  4....)

              
     ( +4....)

              
    ( = 8 )

              

               點解panda同事聚舊要一年一次?            

 

               活動結束,并不代表我既活動完結,再出發去旺角睇波了....................

2008年3月5日 星期三

何苦?

             2月29日,四年一度o既日子,我只係覺得......今年番多左一日工!

 

             夜晚,Claire約左o係旺角食飯,早左出黎,自己過信和行一陣,忍晤住手,買左ALIENSSPEED o既sp edition DVD...............

     

             

             8點45分,落番地鐵站,阿Bob,Henry,阿儀同佢個fd & 佢條仔,加埋Claire同Rachel,先去左女人街一間名為和井食鐵板燒,野食就一般,不過一路食一路睇"最美麗的第七天",又幾鬼攪笑喎,可能晤係集集睇啦.........青芒同老表隨後又到埋.......

 

             食完正餐,跟住去搵甜品........行下行下見到甜品哥哥喎,即刻坐低柯打,晤知係咪身痕,爭住埋單,仲成班人o係門口影相潻.......(仲未收到)

 

             個陣差晤多十二點,Rachel要番屋企,無厘頭地成班人送左佢去搭車,之後呢?上左間樓上cafe, 叫Sense o既,又飲野兼吹水食煙咁..........其間圍住Claire同佢bf o既事黎傾,我仲問左條晤應該問o既問題....................

 

             傾到間鋪打烊,兩點半行番落街,原來佢地仲未想吹雞完場........有人話去唱K,有另一個人同我講: 你聽日要番工喎,頂晤順就晤好o勒.......明知我晤受得激架麻,梗係答: 冇問題啦,駛怕你!

 

              就係咁,過左去Neway,唱K玩骰盅,仲要臨尾俾人隊左幾杯啤酒,天就光個陣烏烏下同阿Bob,Henry,Claire,青芒一齊搭小巴番荃灣.......架車係咁"鄧",咁就出事o勒,捱到大窩口已經捱晤住,衝左落車嘔~~~

 

              唉,羅苦黎辛..........