2007年4月28日 星期六

罪與罰

                      因為早前一次犯錯,今日(26號)下晝俾阿頭捉去見老細......

                      都知道有危機,但係真係自己衰,冇得避......

                      老細好嚴重地警告,我犯o既係一條死罪,還好......

                      佢暫時肯免我一死,條件係不能再犯......

                      兼且,要簽張warning(un-offical),無奈答允......

                      這代表我以後的路,將會更難行.

                      要記住兩個字 : 小心


2007年4月25日 星期三

曼聯歐聯之路~其之一

                          

   
      
                   都係呢句: 「晤訓都要睇曼聯,好過端午睇龍船」

                   愛隊今朝要火拚AC米蘭,昨晚收工(OT)後,食過餐老麥就急速番屋企,訓一陣先......

                   凌晨一點鐘起身,洗過面,睇左一陣電視,上左一陣網......嘩!兩點八o剌......(五分鐘後開波)

                   急急換衫,出門口,衝去路德圍海雀會,睇NOW直播......(屋企得Cable,冇法)

                   兩樣估晤到--1,全場差晤多爆滿;2,曼聯已經入左波,領先一比零!

                   入波係,登登登,

C朗拿度(6分鐘)

                   賽事繼續......到22分鐘,AC既超勁中場卡卡靠個人突破,追和一比一!

                   心裡緊張上黎,點之,班球員仲緊張,一個無謂既犯錯,俾卡卡梅開二度,曼聯落後一比二!

                   一輪粗口忍晤住出o剌,「炒%左艾華啦!」「軒斯做乜%架?」「成斑%下%下」

                   鬧完,再同自己講: 半場o者,仲有時間追!(好似自己踢緊)

                   下半場,AC開始防守,曼聯再次控制節奏,不斷組織攻勢......

                   59分鐘,成班人o係AC禁區,史高斯挑個靚波俾朗尼,佢點一點就抽射入網, 二比二!

               跟住,我沉默起黎,眼都晤斬望住電視機,戰情此起彼落,互有攻守......

                    最令我"盟"係公司個保安部大佬,不停咁call我,問我場波o既戰況(佢買左幾千蚊咯)

                    終於,奇蹟來了,進入補時......一個突擊,傑斯一個直線傳球,交到去前面o既朗尼腳下,佢一推前,再一抽,個波變為一把刀,一野插進龍門裡面,入左!反敗為勝!三比二!!

                    YES !YES! YES!   我不停嗌,好多人陪我一齊嗌,贏波啦~~~~

                    順便屈埋保安大佬一份早餐!!(係佢欠我的)

                    好興奮咁番屋企,訓晤著.............................實在太興奮          


2007年4月20日 星期五

賤兔


                                                 

                今日(19號),冇乜野做,搵Wison拎番隻林海峰DVD,諗諗下,上佢屋企食埋飯都好喎,又有得玩o下Wii,就咁決定....

    六點三左右就閃,見時間尚早,不如步行上去啦(又晤係好遠,兼且涼涼地)...差晤多到中葵涌村,有o的氣喘,究竟係空氣稀薄,定係自己年紀大呢?

    上到去,見未開飯,碌住齡打陣golf先....到吃完飯,正式黎料,試下我未玩過o既Rabbits Party,亦即係賤兔!過左十幾關,暫時難倒我o既一個,就係以下呢個廁所關門,我頂盡捱到47秒!(過關要50秒)

             

    仲攪到攤涷左杯咖啡,晤記得飲....

    玩到成點鐘至番屋企,好鬼疲倦,原來打機都用好多體力架....


2007年4月14日 星期六

唱K團

  

    禽晚(13號)又o係公司OT......跟住出旺角......

    約左o係雅蘭等,meet左阿儀先,之後,Claire,表哥,阿星......咦?o者賢都到?

    係去Neway同Green Box之間,一路有爭議......最後決定去加州紅,點解?我有張買四送一既coupon咯(月尾到期)......

                拿拿聲登記(話八位),入房,佢地掛住拎野食(連buffet),我就唱番一兩隻歌先,冇人爭咪麻......

                冇耐,阿小翠同阿邦到左(他們是九香的工友),過多陣,主角到---- Connie !!

               因為呢個function原本係為左farewell她而搞的(她五月離港),但係見到面個陣佢又話晤係想唱k喎,?????一場黎到都冇辦法,一齊玩啦~~~

                  

                o者賢差晤多全程唱晒日文歌,真係估佢晤倒......

                又晏o的o的,超人黎埋,仲要搵佢幫手出街偷運啤酒入k房添,thank you very much!

               跟住係一輪o既唱歌/食野/哈哈哈/影相......

                去到凌晨兩點幾接近三點,走剩表哥+阿星+阿儀,同埋我,check下單先......咦?似乎o的staff冇check人(我地總數10個人,但剩係計8位,仲有兩位係送既,即係收6位人頭費),埋單連埋酒水加一都係$710,抵抵抵!

                 攪到表哥同阿星都晤願走,仲call o的fd黎,玩到收場咁話......

                 我咪同阿儀閃咯......仲要送佢番屋企......好眼訓......


2007年4月8日 星期日

法拉與淑敏



                  [四月七日]放左兩日假,又要番工.....好難起身,都係o岩o岩好9點到公司.

                   今日要做o既野晤太多,可以慢慢黎,係個壞鬼printer,又hand又jam,累我整左幾次機~~

                   做到11點半,可以抖抖,出去買份報紙睇下......

                   咁o岩阿Ken又有番工,約埋一齊出街食lunch,順便度下波......

                   兩點,番到寫字樓,開始冇乜mood做野住,因為心繫二女--陳法拉&徐淑敏!

                   知道佢地會o係商場o既一個function出現,忍晤住晤去睇,話晒一場黎到,探下打個招呼都好丫......

                   落到去地庫,原來有另一位同事要同佢地影相,好彩地可以進入保安之內既範圍,等到佢地先後到場,我同事做完公事,佢兩位就趕住上台,我就戇居居係度睇,好似爭o的野喎,爭張合照......

                   留左o係度等我同事再落黎(要印張相俾佢地簽名),順便自己影下相......終於等到兩位靚女完左function,行去休息室簽名o個陣,晤怕醜去截住佢地,快速地一人影一張合照(呢個時候,好多記者同欄外拍友o既相機一齊閃,有少少驚),完成任務,仆番去寫字樓做野咯......   

       

       法拉套衫著得佢好高貴,個人亦較含蓄

        

        Suki比較熱情o的,可能佢做得呢o的function多啦(話晒show girl出身)


2007年4月7日 星期六

低落

                   今日(6號),好晏至起身.(因為朝早7點先訓)

                   阿儀call,叫我出街行下,其實個人仲吽吽地......是但啦.

                   約左o係老尖五支旗桿等,佢過海黎仲慢過我搭地鐵......

                   行行o下街......為左一件事發左佢脾氣(佢話係小事,但我覺得晤係咯),跟住走左.

                   自己漫無目的四圍行......肚餓,去麥記食個飽頂一頂......之後番荃灣,個頭開始痛

                   番到荃灣,都係問晤想番屋企,繼續四圍行,但係個頭越黎越痛.....

                   原本我hurt左人,但自己仲覺得晤舒服,心情低落,點解?

                   食支煙都係頂晤到好耐,十二點幾番屋企......

                   食左粒panadol,個頭仲係痛.............

                   報應?


2007年4月4日 星期三

聚舊



                              今日,o係公司忙碌緊之際,有來電(晤係鬼來電),係沈小姐!

                              好耐都冇見,早輪搵佢仲話忙搬屋,點知佢今晚得閒,咪約出黎食飯聚下舊......

                              去邊好?諗諗下,去一個我想去好耐o既地方-- Charlie Brown Cafe.

                              好早前我個fd阿[姬斯・汀娜]o係blog介紹過之後,已經想去睇睇,但就係撞晤o岩(晤係o的fd晤去就係得自己一個咁),呢次有晒藉口了......最後決定去登打士街o個間!

    

                              做到五點半,已經開始望住個鐘,因為公司架Shuttle Bus 六點開車(經旺角),所以要加速趕工,但o的單入極都仲有好大疊剩......都係留番聽朝繼續,準時收工吧!

                               約左六點九,出到旺角都仲未夠鐘,過去馬會入錢先,再行去嘉樂商場門口等啦......忽然沈小姐打來,話個師傅仲未整完門鎖,要晏o的到(約左人又會無端端走去整鎖?),我唯有四圍行下,先去德發睇DVD碟(蜘蛛俠出左2.1,係第二集但多8分鐘加長片段,又要諗下買晤買好)......

                                

                               行完出黎,又落雨喎(呢幾日o的天氣古靈精怪,又熱又涷,一時好天一時落雨),焗住走入潮流特區匿,o係地庫買物王睇下雜誌......中途,阿滔call我,話佢去州際見工,祝佢馬到功成啦!(揮春?)

                               終於等到佢來(7點半...),行上去二樓(搭lift要排隊)坐低,都幾舒服喎(梳化位),形式係自助買飛,有人送埋黎o個種......我好想食cake,但又驚晤飽(等得耐好肚餓),都係柯打左海鮮螺絲粉+朱古力咖啡(仲要落cream)......味道OK,但係跟柯打就亂o的(幾樣野都送錯抬),不過o的staff都好客氣,特別係肥仔,幫我地好fill多次水~~

                                傾左好多大家的生活同感情,佢係咁重複我o既說話,咩"最佳拍檔","權利",哼!(係我同佢至明)

                                傾到十點半,番屋企,抖抖兼睇番錄左o既死亡筆記動畫版,仲要預備夜o的(係凌晨)出街睇歐聯之八強首回合......