2007年2月6日 星期二

回憶錄之~時間原來是過得很快的

                      二月五日,一路昏迷......訓到下晝5點幾至起身......

                      換衫,出門,先去聯合廣場睇下雜誌,o係隔離車厘哥夫買曲奇,再到嘉禾旺角續証(98蚊連六張戲飛加埋的優惠卷都算抵,反而張會員証印得麻麻),行左一陣新世紀廣場,跟住過德發睇碟,然後過信和行陣,o係門口搭巴士落尖咀......行HMV,過海港城,去左Godiva買左兩盒朱古力(當係獎勵自己),行一行City Super,o係新港中心地庫食飯(已經係9點幾),仲買左支CC Lemon.....

                      差晤多11點,行到去九香員工入口,等左一陣,見到阿森走左出黎,傾左兩句就目送佢離開,有機會再合作吧......過多一陣,等埋阿儀,仲有Tomato,去南豐茶餐廳飲野傾計,原來阿X鍾意Tomato.......

                      12點幾埋單,阿Tomato男友突然彈出黎接左佢,我同阿儀搭地鐵番屋企......送左一盒朱古力俾佢,但佢晤多願意收......                      

                    


2007年2月5日 星期一

通頂

                  三號晚(星期六)番緊九香,無厘頭地,杜米撩人打麻雀......

                  搞到留開尾既阿雕都晤留尾,連同阿森,再加埋我,齊腳!

                 收工後,4條友加上阿宏&阿儀,殺落旺角~~~

                 去到美滿會,未有房......唯有過隔離香港仔魚旦食住等......

                到1點零鐘,四方城決戰正式開始~~可能係一邊睇波一邊打牌,未能集中精神,由頭段冇乜輸嬴,到中段一路輸,輸晒手上既本,個人好沉,冇晒聲氣......到阿宏同阿儀走左,波又睇完,開始重新黎過,小宇宙不停爆發,又俾我追番上黎,去到朝早,番本仲有嬴......自然地其他三家都晤會放我走,再繼續打落去,晏晝又一路睇馬一路打,不過此時係"嬴住黎賭,心情自然好"o個種,但係身體越覺倦......打到下晝5點半,散band勒,埋埋單都有六百幾執.......

                   佢地三個決定夜晚晤開工,而我......仍然係要番的,責任使然,好彩星期一放假.....

                (ps晤係一早知放假的話,一定晤會同佢地顛)


2007年2月2日 星期五

BBQ



              2月1日,準時收工,去salon剪個靚髮先.....(其實係好長,非剪不可)

              番屋企拎左部digi-cam同一副啤牌,跟住行去兆和街小巴站搭車,連埋之前買左個麵包上車食......(因為肚餓)

              上到城門水塘,好靜,好在阿偉同志雄出黎接我,晤係都驚行錯路......

              已經先到既有阿培,細明,司徒,阿恆,阿清,仲有阿儀......總共9男女!

              拿拿聲燒下o的丸同腸仔先,乜得咁多??......連埋o的扒都好似限量供應咁,有理冇理燒左先......

              之後,正本戲到勒,就係菇+海鮮~~~

             不停咁燒......加牛油......燒......食......(我就不停影相)

             11點零就走咯~ (怕左o的狗)


2007年2月1日 星期四

好日子

                1月31日,今朝好早醒左,不過都係晤願起身......

                肉體上係疲倦,但精神上係興奮的,因為今日出糧+BOnus !

                雖然趕住番工,都走左過去銀行,襟左的錢傍下身先......